„ნაციონალური მოძრაობის“ აჭარის ორგანიზაციის წევრები აჭარის სამთავრობო უწყებებში დასაქმებული პირების მიერ გახარჯული საწვავის სტატისტიკას აქვეყნებენ

რატომ გააძვირა ივანიშვილის „ოცნებამ“ საწვავზე ფასები და რატომ არ შეასრულა მთავარი დაპირება? - ამ შეკითხვებით “ერთიანი ნაციონალური მოძრაობის” აჭარის ორგანიზაციის წევრები ხელისუფლებას მიმართავენ.

„ერთიანი ნაციონალური მოძრაობის” წევრებმა ბონდო თედორაძემ და რეზო ხარაზმა ერთობლივი ბრიფინგი პარტიის ოფისში გამართეს.

ოპოზიციის წევრებმა ჟურნალისტებს, აჭარის სამთავრობო უწყებებში დასაქმებული პირების მიერ გახარჯული საწვავის სტატისტიკა წარუდგინეს.

მათი თქმით, „ქართული ოცნების” ჩინოვნიკებს არ ადარდებთ გაძვირებული საწვავი, რადგან ისინი მოსახლეობის ხარჯზე გადაადგილდებიან და სახელმწიფო ავტომობილები ემსახურებათ.

„რა გვიჯდება ყოველწლიურად „ოცნების“ მაღალჩინოსნების საწვავით უზრუნველყოფა აჭარის მოსახლეობას?! ივანიშვილის მთავრობის მაღალჩინოსნები ჩვეული ირონიით და ცინიზმით პასუხობს ჩვენი მოსახლეობის მიერ დასმულ მთავარ კითხვას, რატომ არის ძვირი საწვავი საქართველოში? რატომ გააძვირა ივანიშვილის „ოცნებამ“ საწვავზე ფასები და რატომ არ შეასრულა მთავარი დაპირება?! ეს კითხვები ირაკლი კობახიძეს, თორნიკე რიჟვაძეს, არჩილ ჩიქოვანს, აჭარის ავტონომიური რესპუბლიკის სამინისტროებში მოკალათებულ მაღალჩინოსნებს არ აინტერესებთ, რადგან მათ ემსახურება სახელმწიფო ავტომობილები და შესაბამისად, საწვავიც უფასოდ მიეწოდებათ. ჩინოვნიკებმა არც კი იციან, რა უჯდება უბრალო მოქალაქეს 1 ლიტრი საწვავი ბენზინგასამართ სადგურზე, რომ გაორმაგებულ თანხას იხდიან მიუხედავად ივანიშვილის დაპირებისა. ჩვენ მოვიკვლიეთ და გვინდა მოგაწოდოთ ინფორმაცია თუ რამდენ ტონა საწვავს მოიხმარს შვიდი კონკრეტული სამთავრობო უწყება - აჭარის მთავრობის აპარატი, სამინისტროების მაღალჩინოსნები, ბათუმისა და ქობულეთის მუნიციპალიტეტებში მოკალათებული ჩინოვნიკები.

მხოლოდ 2023 წლის მონაცემებით ჩინოვნიკებზე გახარჯული საწვავის რაოდენობა ასე გამოიყურება: აჭარის ავტონომიური რესპუბლიკის მთავრობის აპარატი 1. ბენზინი - 55 128,20 ლარის ღირებულების 21 014,59 ლიტრი. 2. დიზელი 5 051,57 ლარის ღირებულების 2 039,56 ლიტრი სულ 60 179,77 (სამოცი ათას ას სამოცდაცხრამეტი ) ლარი 23 054,15 (ოცდასამი ათას ორმოცდათოთხმეტი) ლიტრი. ბათუმის მერია და საკრებულო 1.ბენზინი- 80 685,72 ლარის ღირებულების 24 770,84 ლიტრი. 2.ბენზინი- 72 689,80 ლარის ღირებულების 27 677,68 ლიტრი. 3.დიზელი 28 106,84 ლარის ღირებულების 9 924,02 ლიტრი სულ 181 482,36 (ასოთხმოცდაერთი ათას ოთხასორმოცდაორი ) ლარი 62 372,54 (სამოცდაორი ათას სამასსამოცდათორმეტი ) ლიტრი. აჭარის ა.რ. ფინანსთა და ეკონომიკის სამინისტრო 1.ბენზინი- 37 122,41 ლარის ღირებულების 12 352,62 ლიტრი. 2.დიზელი 60 523,83 ლარის ღირებულების 27 407,63 ლიტრი სულ: 97 646,24 ოთხმოცდაჩვიდმეტი ათას ექვსას ორმოცდაექვსი ) ლარის 39 760,25 (ოცდაცხრამეტი ათას შვიდასსამოცი) ლიტრი. აჭარის ავტონომიური რესპუბლიკის განათლების, კულტურისა და სპორტის სამინისტრო 1.ბენზინი- 33 761,75 ლარის ღირებულების 11 812,09 ლიტრი. 2.დიზელი 12 303,90 ლარის ღირებულების 4 338,10 ლიტრი სულ 46 065,65 (ორმოცდაექვსი ათას სამოცდახუთი) ლარის 16 150,19 (თექვსმეტი ათას ასორმოცდაათი ) ლიტრი საწვავი აჭარის ა.რ. ჯანმრთელობისა და სოციალური დაცვის სამინისტრო ბენზინი- 41 363,15 ლარის ღირებულების 15 874,80 ლიტრი აჭარის ავტონომიური რესპუბლიკის სოფლის მეურნეობის სამინისტრო 1.ბენზინი- 58 274,37 ლარის ღირებულების 26 796,91 ლიტრი. 2.ბენზინი- 4 017,59 ლარის ღირებულების 1 599,78 ლიტრი. 3.დიზელი 10 418,76 ლარის ღირებულების 3 743,49 ლიტრი სულ: 72 710,72 (სამოცდათორმეტი ათას შვიდასათი ) ლარის 32 140,18 ( ოცდათორმეტი ათას ასორმოცი ლიტრი. ქობულეთის მუნიციპალიტეტი 1. ბენზინი. 212 066,06 ლარის ღირებულების 80 492,87 ლიტრი 2. დიზელი 34 114,99 ლარის ღირებულების 12 175,51 ლიტრი სულ: 246 181,05 (ორასორმოცდაექვსი ათას ასოთხმოცდაერთი) ლარის 92 668,38 ( ოთხმოცდათორმეტი ათას ექვსასსამოცდარვა ) ლიტრი. 2023 წელს ჯამში შვიდი სამთავრობო უწყების მაღალჩინოსნების საწვავის ხარჯმა შეადგინა - 282 020,49 ლიტრი”,- აცხადებენ „ერთიან ნაციონალურ მოძრაობაში”.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე