ისრაელის სარაკეტო დარტყმის შედეგად, „ჰამასის“ რიგით მესამე სამხედრო ოფიციალური პირი დაიღუპა, - ამის შესახებ ინფორმაციას აშშ-ის პრეზიდენტის მრჩეველი ეროვნული უსაფრთხოების მიმართულებით, ჯეიკ სალივანი ავრცელებს.

ჯეიკ სალივანი პირველი ოფიციალური პირია, რომელმაც „ჰამასის“ სამხედრო ფრთის უფროსის მოადგილის, მარვან ისას დაღუპვის შესახებ გავრცელებული ინფორმაცია დაადასტურა.

„დანარჩენი ლიდერები იმალებიან, სავარაუდოდ, „ჰამასის“ გვირაბების ქსელში და სამართლიანობა მათთანაც მიაღწევს“, - განაცხადა ჯეიკ სალივანმა.

ცნობისთვის, გუშინ, ისრაელის თავდაცვის ძალების გენერალური შტაბის უფროსმა, ჰერცი ჰალევიმ განაცხადა, რომ „ჰამასი“ ისას ბედის დაფარვას ცდილობდა, მას შემდეგ, რაც იგი გასულ კვირას, ისრაელის სარაკეტო დარტყმის შედეგად დაიღუპა.