ირაკლი ღარიბაშვილი - არჩევნები ძლიერად უნდა მოვიგოთ - „მეორე ფრონტის“ გადმოტანის საფრთხე არსად წასულა, ამიტომ საჭიროა, გონივრულად მშვიდად და მტკიცედ გავიყვანოთ ქვეყანა სამშვიდობოს
მე ჩვენი გუნდის წევრებს ვუთხარი, რომ ის საფრთხე, რომელიც შარშან და შარშანწინ იყო, მე ვგულისხმობ, მეორე ფრონტის გადმოტანის საფრთხეს, არსად წასულა. ამიტომ, საჭიროა გონივრულად მშვიდად და მტკიცედ გავიყვანოთ ქვეყანა სამშვიდობოს, - ამის შესახებ „ქართული ოცნების" თავმჯდომარე, ირაკლი ღარიბაშვილმა ჟურნალისტებთან განაცხადა.
როგორც ღარიბაშვილმა აღნიშნა, უნდა მოხდეს მაქსიმალური მობილიზება, რათა პარტიამ საკონსტიტუციო უმრავლესობა აიღოს.
„ეს არჩევნები ძლიერად უნდა მოვიგოთ. უნდა გავიმარჯვოთ, რომ ქვეყანამ გააგრძელოს მშვიდობიანი და სტაბილური განვითარება, რომ არ მივცეთ საშუალება ჩვენი ქვეყნის მტრებს და ქვეყნის შიგნით მოქმედ მტრულ ძალებს, რომ ქვეყანამ შეწყვიტოს მშვიდობიანი განვითარება.
გურიაში ძალიან მაგარი განწყობაა, ჩვენი საამაყო გურულები მოტივირებულები არიან, რომ ეს არჩევნები ძალიან ძლიერად მოვიგოთ გურიაშიც.
რა თქმა უნდა, ჩვენი მთავარი გზავნილია, რომ უნდა მოვახერხოთ მაქსიმალური მობილიზება, რათა ჩვენმა პარტიამ აიღოს საკონსტიტუციო უმრავლესობა. ესაა ჩვენი მთავარი გზავნილი.
რა თქმა უნდა, ვისაუბრეთ იმ გამოწვევებზე, რომელიც ახლა მიმდინარეობს ქვეყანაში და მთელ მსოფლიოში.
მე ჩვენი გუნდის წევრებს ვუთხარი, რომ ის საფრთხე, რომელიც შარშან და შარშანწინ იყო, მე ვგულისხმობ მეორე ფრონტის გადმოტანის საფრთხეს, არსად წასულა. ამიტომ, საჭიროა გონივრულად მშვიდად და მტკიცედ გავიყვანოთ ქვეყანა სამშვიდობოს“,- განაცხადა ღარიბაშვილმა.
