საქართველოს პარლამენტთან “უცხოური გავლენის გამჭვირვალობის შესახებ” კანონპროექტის მოწინააღმდეგე მოქალაქეებმა რუსთაველის გამზირზე სამანქანო მოძრაობა გადაკეტეს.

აქციის მონაწილეები სკანდირებდნენ: „საქართველოს გაუმარჯოს“, „სად მივდივართ? - ევროპაში“.

ჯერჯერობით უცნობია კონკრეტულად რა აქტივობები ექნებათ აქციის მონაწილეებს, თუმცა, გავრცელებული ინფორმაციით, ისინი პოლიციელებს სააღდგომო წითელ კვერცხებსა და პასქებს გადასცემენ.

ტერიტორიაზე მობილიზებულები არიან სამართალდამცავები.