მამუკა ხაზარაძე - მოთხოვნა დღეიდან უნდა იყოს: „არა რუსულ ხელისუფლებას“ - უნდა მოვემზადოთ, თუ საჭირო გახდა საყოველთაო გაფიცვისთვის

მოთხოვნა დღეიდან უნდა იყოს - „არა რუსულ ხელისუფლებას“ - უნდა მოვემზადოთ, უახლოეს ხანში თუ საჭირო გახდა საყოველთაო გაფიცვისთვის, - ასე მიმართა „ლელოს“ ლიდერმა, მამუკა ხაზარაძემ აქციის მონაწილეებს, სცენაზე გამოსვლისას.

ხაზარაძის თქმით, ეს ბრძოლა ბოლომდე იქნება მიყვანილი, მანამ სანამ ქვეყანა სრულად თავისუფალი არ იქნება.

„მინდა გულწრფელი პატივისცემა დაგიდასტუროთ თითოეულ თქვენგანს და მინდა გითხრათ, რომ ეს ბრძოლა ბოლომდე იქნება მიყვანილი, მანამ სანამ ჩვენი ქვეყანა არ იქნება სრულად თავისუფალი.

მოთხოვნა დღეიდან უნდა იყოს - „არა რუსულ ხელისუფლებას“. მთელი ჩემი ცხოვრება, სანამ ბიზნესში ვიყავი, სულ ვფიქრობდი, რომ ეს ქვეყანა სტაბილური ყოფილიყო. მაგრამ დღეს დადგა ძალიან სერიოზული მომენტი, როცა ჩვენ ქვეყანას ეგზისტენციალური პრობლემა დაუდგა, ამიტომ უნდა მოვემზადოთ უახლოეს ხანში თუ საჭირო გახდა საყოველთაო გაფიცვისთვის. ეს იქნება ის ხაზი, რომელიც ჩვენ უნდა ავიღოთ.

მინდა თითოეულ ახალგაზრდას დიდი პატივისცემა და სიყვარული დაგიდასტუროთ - საქართველო აუცილებლად გაიმარჯვებს“, - განაცხადა ხაზარაძემ.

ამასთან, როდესაც მამუკა ხაზარაძე აქციის მონაწილეებს სიტყვით მიმართავდა, მას თვალებში ლაზერს ანათებდნენ.

„თუ არ მომანათებთ კარგი იქნება, მაგით ვერ გამაჩერებთ“, - მიმართა მამუკა ხაზარაძემ მოქალაქეებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024