ზურაბ ჯაფარიძე - ევროპელები შოკში იყვნენ, პაპუაშვილმა ტყუილი გაავრცელა, თითქოს ყველაფერზე შეთანხმდნენ - ჩვენს თვალწინ აორგანიზებდნენ პასუხს

პარტია „გირჩი - მეტი თავისუფლების“ ლიდერის, ზურაბ ჯაფარიძის განცხადებით, ლატვიის, ესტონეთის, ისლანდიისა და ლიეტუვის საგარეო საქმეთა მინისტრებთან გამართულ შეხვედრაზე ისაუბრეს ქვეყანაში შექმნილ სიტუაციაზე, როგორც „უცხოური გავლენის გამჭვირვალობის“ შესახებ კანონზე, ასევე, მუქარის შემცველ ზარებზე, პოსტერებზე, ჩასაფრებებზე და ფიზიკურ ანგარიშსწორებაზე.

მისივე თქმით, ქვეყნის პარტნიორები აპირებენ, რომ რეაგირება მოახდინონ, კონკრეტულად რა ნაბიჯებს გადადგამენ, მისთვის ეს ჯერჯერობით უცნობია.

„მნიშვნელოვანია გვესმოდეს, რომ ამ კვირაში, როდესაც „რუსული კანონის“ საკომიტეტო და სასესიო მოსმენა ხდებოდა, ქვეყანაში ორშაბათიდან მოყოლებული რამდენიმე ევროპული ქვეყნის პარლამენტის საგარეო კომიტეტის თავმჯდომარეები ჩამოვიდნენ.

ასევე, აქ არის სახელმწიფო მდივნის თანაშემწე, აქ არის 4 ევროპული ქვეყნის 4 საგარეო საქმეთა მინისტრი. ეს თავისთავად აჩვენებს, რამდენად მნიშვნელოვანი საკითხია და რამდენად სერიოზულად უყურებენ ევროპელები. საუბარი იყო, ქვეყანაში შექმნილ სიტუაციაზე, როგორც ამ კანონთან მიმართებით და ასევე, ამ კანონის მიღმაც. ჩვენ საუბარი გვქონდა ასევე, ამ რაღაც მუქარის ზარებზეც, რომელიც არ წყდება. პოსტერებზეც, რომელსაც ჩვენს სახლებთან, ოფისებთან აკრავენ. ისევე, როგორც ჩასაფრებებზე და ფიზიკურ ანგარიშსწორებებზე, რომელსაც ახორციელებენ, როგორც სხვადასხვა ორგანიზებული არაფორმალური ჯგუფები, ისე „სამართალდამცველი სტრუქტურები“ მშვიდობიანი აქციების დროს. მათ ეს ინფორმაციები ჰქონდათ, ჩვენ რაღაც დეტალები მივაწოდეთ.

ისინი პაპუაშვილის შეხვედრის შემდეგ შეგვხვდნენ. შემიძლია ვთქვა, რომ შოკში იყვნენ. თვითონ შეხვედრის დროს პაპუაშვილმა რაღაცა ტყუილი გაავრცელა - თითქოს რაღაც ყველაფერზე შეთანხმდნენ, რაზეც დამატებითი შოკი ჰქონდათ. იქვე, ჩვენს თვალწინ აორგანიზებდნენ რაღაც პასუხს, რომელსაც ალბათ, მალე გასცემენ. ისინი აპირებენ, რომ რეაგირება მოახდინონ, კონკრეტულად რა ნაბიჯებს გადადგამენ, ჩვენ არ ვიცით, მაგრამ პასუხის გარეშე, რომ არ დატოვებენ, ეს ცხადია“, - განაცხადა ჯაფარიძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი