“უცხოური გავლენის გამჭვირვალობის შესახებ” კანონის მოწინააღმდეგეებმა “ქართული ოცნების” ოფისის მიმდებარე ტერიტორიიდან კვლავ პარლამენტის შენობასთან გადაინაცვლეს.

პროტესტის მონაწილეებმა საკანონმდებლო ორგანოსთან საავტომობილო მოძრაობა კვლავ გადაკეტეს.

დღევანდელი აქცია დასრულებულია, თუმცა აქციის მონაწილეების ნაწილი კვლავ რჩება რუსთაველის გამზირზე.

დღეს, “უცხოური გავლენის გამჭვირვალობის შესახებ” კანონის მოწინააღმდეგეებმა თბილისის რამდენიმე ლოკაციაზე გამართეს მსვლელობა. მათ, ასევე, გადაკეტილი ჰქონდათ გმირთა მოედანი. ნაწილი პარლამენტის შენობასთან იყო შეკრებილი.

მოგვიანებით, იმ სტუდენტებს, რომლებიც ვაკიდან და გმირთა მოედნიდან მსვლელობით პარლამენტის შენობისკენ მიემართებოდნენ ესტონეთის, ისლანდიისა და ლიეტუვის საგარეო საქმეთა მინისტრები შეუერთდნენ.

მინისტრებმა პარლამენტთან მიმდინარე აქციაზე შეკრებილებს სიტყვით მიმართეს.