გიორგი მსხილაძე - საპარლამენტო უმრავლესობის მხრიდან არის მცდელობა, საზოგადოება შეცდომაში შეიყვანონ - პრეზიდენტის ვეტო არის მოტივირებული

საპარლამენტო უმრავლესობის მხრიდან არის მცდელობა, რომ საზოგადოება შეცდომაში შეიყვანონ, თითქოს საქართველოს პრეზიდენტმა, ვეტო, რომელიც 18 მაისს დაადო „რუსულ კანონს“, მოტივირებული შენიშვნების გარეშე დაუბრუნა პარლამენტს, ეს არის ტყუილი და საზოგადოების შეცდომაში შეყვანა , - ამის შესახებ პრეზიდენტის საპარლამენტო მდივანმა გიორგი მსხილაძემ „უცხოური გავლენის გამჭვირვალობის შესახებ“ კანონსა და პრეზიდენტის ვეტოზე საუბრისას ბრიფინგზე განაცხადა.

პრეზიდენტის საპარლამენტო მდივნის განცხადებით, ვეტოში ასახულია კონსტიტუციის ოთხი მუხლი, რომელიც ირღვევა აღნიშნული კანონით და განმარტებულია, თუ რატომაა „უცხოური გავლენის გამჭვირვალობის შესახებ“ კანონპროექტი რუსული.

„პრეზიდენტის ვეტო არის მოტივირებული, მასში არის აღწერილი კონსტიტუციის ოთხი მუხლი, რომელიც ირღვევა ამ კანონით, განმარტებულია, თუ რატომ არის აღნიშნული კანონი რუსული. არის მოყვანილი მისი მიღების მოტივაცია, თუ რა ფორმით იყო ეს კანონი მიღებული, რომ ეს არის ჩვენთვის მიუღებელი და დაუშვებელი.

რაც შეეხება თვითონ კანონში ერთი წინადადების ჩამატებას, რომ „კანონი ამოქმედდეს ერთი დღით“, ეს არის ჩვეულებრივი იურიდიული ტექნიკა, რომელიც საჭიროა იმისთვის, რომ კანონი გაუქმდეს. კანონი თუ არ ამოქმედდა, შესაბამისად, მისი გაუქმება შეუძლებელია. ვეტო აისახება პრეზიდენტის ოფიციალურ ვებგვერდზე და facebook-ის ოფიციალურ გვერდზე“, - განაცხადა გიორგი მსხილაძემ.

ამასთან, პრეზიდენტის ადმინისტრაციამ საქართველოს პარლამენტის მიერ 2024 წლის 14 მაისს მიღებულ ,,უცხოური გავლენის გამჭვირვალობის შესახებ“ კანონზე საქართველოს პრეზიდენტის, სალომე ზურაბიშვილის მოტივირებული შენიშვნები გამოაქვეყნა.

დოკუმენტი იხილეთ ბმულზე.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი