თბილისის საკრებულოს სხდომა ოპოზიციონერი დეპუტატების გარეშე მიმდინარეობს

თბილისის საკრებულოს სხდომა ოპოზიციის წარმომადგენლების გარეშე მიმდინარეობს.

პარტია “ნაციონალური მოძრაობის” წევრებმა, ლილე ლიპარტელიანმა და ირაკლი ნადირაძემ საკრებულოს სხდომა დაწყებისთანავე დატოვეს.

ისინი ქვეყანაში არსებულ მდგომარეობას ეხმიანებიან და აცხადებენ, რომ “ერთიანი ნაციონალური მოძრაობა” თბილისის მუნიციპალიტეტის ბოიკოტს უცხადებს და ქალაქ თბილისის მუნიციპალიტეტის საკრებულოს და საკრებულოს კომისიების 2024 წლის სხდომებს აღარ დაესწრება.

“როგორც წინა სხდომაზე გითხარით, “რუსული კანონის” შემოქმედების და ასევე, მხარდაჭერებისთვის ნამდვილად გამარჯობის თქმა გამიჭირდება. ეს სიტყვა გამარჯვებას მოიცავს და ვერ გისურვებთ ნამდვილად გამარჯვებას ადამიანებს, რომლებიც ჩვენი ქვეყნის, სამშობლოს დამოუკიდებლობას კითხვის ნიშნის ქვეშ აყენებთ. შეგიძლიათ ჩვენს არასრულწლოვან შვილებს, მოხუც მშობლებს დაურეკოთ და მორალური ტერორის ქვეშ ამყოფოთ. ამის შემდგომ მიდიხართ მარშზე, ოჯახის პატივისცემის და მშობლების პატივისცემის მარშზე დგებით. ეს ყველაფერი ფარისევლობაა. სად არის ამ დროს თქვენი ქრისტიანული მორალი და ზოგადად მორალი? უბრალოდ სირცხვილია, რასაც აკეთებთ.

“ერთიანი ნაციონალური მოძრაობა” თბილისის მუნიციპალიტეტის ბოიკოტს უცხადებს და ქალაქ თბილისის მუნიციპალიტეტის საკრებულოს და საკრებულოს კომისიების 2024 წლის სხდომებს აღარ დაესწრება. ფრაქცია მუშაობას მუნიციპალიტეტის ინტერესების დასაცავად აგრძელებს, ბოლომდე იბრძოლებს, რომ თბილისის მოსახლეობა ინფორმირებული იყოს თბილისის ბიუჯეტის მიზნობრივ ხარჯვაზე და გვერდით ყველა მოქალაქეს დაუდგება, რომელიც დღეს დედაქალაქში თანადგომას საჭიროებს”, - აღნიშნა “ნაციონალური მოძრაობის” წევრმა, ლილე ლიპარტელიანმა.

აგრეთვე, სხდომათა დარბაზში “ანა დოლიძე - ხალხისთვის“ და „საქართველოსთვის“ დეპუტატებიც არ იმყოფებიან.

ამასთან, დღეს საკრებულოს მუშაობას ბოიკოტი პარტია „ლელოს“ და „გირჩი - მეტი თავისუფლების“ დეპუტატებმაც გამოუცხადეს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024