უამინდობის გამო ნიკოლ ფაშინიანის ვერტმფრენს ავარიულად დაშვება მოუხდა, - ამის შესახებ ინფორმაციას სომხური მედია ავრცელებს.

ადგილობრივი მედიის ინფორმაციით, სომხეთის პრემიერ-მინისტრი ტაშირში მიფრინავდა, როდესაც ამინდის პირობების გაუარესების გამო, მისი ვერტმფრენი ვანაძორის სტადიონზე ავარიულად დაეშვა.

მოგვიანებით, ნიკოლ ფაშინიანმა „ფეისბუქზე“ დაწერა, რომ იგი კარგად არის და გზას ავტომობილით აგრძელებდა.

„ყველაფერი კარგადაა. უამინდობის გამო, ჩვენმა ვერტმფრენმა ვანაძორში დაუგეგმავი დაშვება განახორციელა. ჩვენ ახლა გზას ავტომობილით ვაგრძელებთ, ყველას კარგ დღეს ვუსურვებ“, - დაწერა ნიკოლ ფაშინიანმა.