ირაკლი კუპრაძე - „ქართული ქარტია“ მოგვცემს შესაძლებლობას წარვმართოთ კონსტიტუციასთან სრულ თანხვედრაში მყოფი პროცესი - თუ სადმე საჭიროა მეტი სიცხადე და დაზუსტება, რათა პროცესი კონსტიტუციურ ჩარჩოში სრულად მოექცეს, სწორედ ახლაა დრო, ეს მოხდეს

„ლელო“ მიესალმება პრეზიდენტის ინიციატივას და კიდევ ერთხელ ვადასტურებთ, რომ ღირებულებითი ერთობა არის ის, რამაც უნდა დაასრულოს, ეს მანკიერი წრე, რომელშიც ქვეყანა 20 წელია მოძრაობს, - ამის შესახებ „ლელოს“ გენერალურმა მდივანმა, ირაკლი კუპრაძემ „ქართულ ქარტიასთან“ დაკავშირებით განაცხადა.

მისივე თქმით, „ლელო“ უერთდება პრეზიდენტის მიერ ინიციირებულ ქარტიას და მზად არიან ევროკავშირის 9 პუნქტის სწრაფი შესრულებისათვის ნაბიჯები გადადგან, რათა ქვეყანა მოლაპარაკების ეტაპზე გადავიდეს და ევროინტეგრაცია შეუქცევადი იყოს.

„ჩვენ გვჯერა, რომ პრეზიდენტის მიერ შემოთავაზებული ქარტია მოგვცემს შესაძლებლობას წარვმართოთ კონსტიტუციასთან სრულ თანხვედრაში მყოფი პროცესი და თუკი სადმე საჭიროა მეტი სიცხადის და დაზუსტების შემოტანა, რათა პროცესი კონსტიტუციურ ჩარჩოში სრულად მოექცეს, ვფიქრობთ, სწორედ ახლაა დრო, რომ ეს მოხდეს.

ამიტომ საჭიროდ ვთვლით პრეზიდენტისა და სხვა პოლიტიკური აქტორების ჩართულობით შედგეს სამუშაო შეხვედრა, სადაც ყველანი ჩვენს წილ პასუხისმგებლობას პროცესებზე ავიღებთ, რომელიც ქარტიითა განსაზღვრული.

ჩვენ მზად ვართ, რომ გავხსნათ ეს პროცესი და ჩავერთოთ ყველა იმ აქტივობაში, რომელიც ხელს შეუწყობს საქართველოში რუსული მთავრობის დასრულებას.

აქვე არ უნდა დაგვავიწყდეს, რომ დღეს ქვეყნის მთავარი გამოწვევა, კვლავ ბიძინა ივანიშვილია და ჩვენი მთავარი ამოცანა, სწორედ, მისი დამარცხება უნდა იყოს. ქარტია ესაა გზა, რომელიც გასავლელია არჩევნებით, ბიძინა ივანიშვილის დამარცხების შემდეგ. ჯერ ბიძინა ივანიშვილი ხელისუფლებაშია და ემზადება დაძლიოს ვეტო, დააკანონოს არასამთავრობო სექტორის გაუქმება და პოლიტიკური ოპონენტების, განსხვავებული აზრის დევნა.

მიგვაჩნია, რომ პრეზიდენტს შეუძლია მნიშვნელოვანი როლი ბიძინა ივანიშვილის დამარცხებაში ითამაშოს და მისი კონსტიტუციური უფლებამოსილების ფარგლებში მზად ვართ, მასთან ამ საკითხზე დეტალურად ვისაუბროთ.

სწორედ, ჩვენ ამ პროცესზე გვმართებს მეტი კონცენტრირება და დარწმუნებული ვართ, რომ როგორც პრეზიდენტი, ასევე ქართული პოლიტიკური სპექტრი და სხვა აქტორები შევძლებთ, იმგვარი პოლიტიკური პროცესის წარმართვას, სადაც „ქართული ოცნება“ აუცილებლად დამარცხდება“, - განაცხადა კუპრაძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი