ჯანდაცვის მინისტრი ჟენევაში, ჯანმრთელობის მსოფლიო ასამბლეის 77-ე სესიაზე სიტყვით გამოვიდა

საქართველოს ჯანდაცვის მინისტრი ჟენევაში, ჯანმრთელობის მსოფლიო ასამბლეის 77-ე სესიაზე სიტყვით გამოვიდა. ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, მიხეილ სარჯველაძემ, ხარისხიანი ჯანდაცვის სერვისებით მოსახლეობის უზრუნველყოფის მიზნით, საქართველოში განხორციელებულ და მიმდინარე რეფორმებზე ისაუბრა.

„ჯანმრთელობა, როგორც ქვეყნის მდგრადი სოციალური და ეკონომიკური განვითარების წინაპირობა, რჩება მთავრობის მთავარ პოლიტიკურ პრიორიტეტად. ბოლო 2 წლის განმავლობაში, მთავრობის მიერ, ფარმაცევტულ სექტორში განხორციელებულმა რეფორმებმა, ფასების რეგულირებისა და ინოვაციური მედიკამენტების პირდაპირი შესყიდვის მექანიზმების დანერგვამ, მოგვცა საშუალება, სრულად აღმოვფხვრათ ფინანსური ბარიერი ქრონიკული დაავადებების მართვისა და ონკოლოგიური წამლების მიმართ“, - განაცხადა მიხელ სარჯველაძემ.

მისივე თქმით, აქტიურად მიმდინარეობს მუშაობა არაგადამდები დაავადებების პრევენციის, ანტიმიკრობული რეზისტენტობის, ვირუსული ჰეპატიტების აღმოფხვრის მიმართულებით. სიტყვით გამოსვლისას, ჯანდაცვის მინისტრმა, განსაკუთრებული აქცენტი სამედიცინო პერსონალზე გააკეთა.

„ჩვენ ვაღიარებთ, რომ საყოველთაო ჯანმრთელობის დაცვის პროგრამის წარმატება დამოკიდებულია კვალიფიციურ და მოტივირებულ ჯანდაცვის მუშაკებზე. პარლამენტმა დაამტკიცა ახალი კანონმდებლობა ექთნებისა და ბებიაქალების შესახებ, მათი, როგორც საკვანძო რგოლის გაძლიერება, პაციენტების საჭიროებების უკეთ დაკმაყოფილებას უზრუნველყოფს. მოსახლეობის ჯანმრთელობისა და კეთილდღეობის უზრუნველსაყოფად, საქართველო აქტიურად აგრძელებს მუშაობას, რათა ჯანდაცვის სისტემა იყოს უფრო მეტად ინკლუზიური, მდგრადი და ძლიერი...

ჯანმრთელობა, როგორც ქვეყნის მდგრადი სოციალური და ეკონომიკური განვითარების წინაპირობა, რჩება მთავრობის მთავარ პოლიტიკურ პრიორიტეტად. ბოლო 2 წლის განმავლობაში, მთავრობის მიერ, ფარმაცევტულ სექტორში განხორციელებულმა რეფორმებმა, ფასების რეგულირებისა და ინოვაციური მედიკამენტების პირდაპირი შესყიდვის მექანიზმების დანერგვამ, მოგვცა საშუალება, სრულად აღმოვფხვრათ ფინანსური ბარიერი ქრონიკული დაავადებების მართვისა და ონკოლოგიური წამლების მიმართ“, - განაცხადა მიხელ სარჯველაძემ.

საქართველოს ჯანდაცვის მინისტრმა, ჟენევაში, ჯანმრთელობის მსოფლიო ასამბლეის ფარგლებში ორმხრივი შეხვედრები გამართა.

მიხეილ სარჯველაძე ჯანმრთელობის მსოფლიო ორგანიზაციის ევროპის რეგიონულ დირექტორ ჰანს კლუგეს შეხვდა , სადაც მხარეებმა 2024-2027 წლების თანამშრომლობის სტრატეგიას მოაწერეს ხელი.

ვიზიტის ფარგლებში შეხვედრები გაიმართა ამერიკის CDC-ს გლობალური ჯანმრთელობის ცენტრის ხელმძღვანელთან და გლობალური ფონდის წარმომადგენელთან.

ჯანდაცვის მინისტრთან ერთად, ჟენევაში გამართულ შეხვედრებში, პირველი მოადგილე თამარ გაბუნია და ჟენევაში, გაერო-ს განყოფილებასთან და სხვა საერთაშორისო ორგანიზაციებთან საქართველოს მუდმივი წარმომადგენელი ალექსანდრე მაისურაძე მონაწილეობდნენ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად