ჯანდაცვის მინისტრი - მაქვს მონდომება, რაც შეიძლება სწრაფად გადაიჭრას პრობლემები - სამინისტროს კარი არავის დაუხურავს ადამიანებისთვის, ვისაც ჩვენთვის რაიმეს თქმა უნდა

ონკოლოგიურ პაციენტებთან დაკავშირებით ითხოვენ პრობლემების გადაჭრას - მათი უფლებაა გამოხატოს ეს ამ ფორმით - აქცია გამართოს, მაგრამ რეალურად, ჩვენი სამინისტროს კარი არავის დაუხურავს იმ ადამიანებისთვის, ვისაც რაიმეს თქმა უნდა ჩვენი სამინისტროსთვის , - ამის შესახებ ჯანდაცვის მინისტრმა მიხეილ სარჯველაძე პარლამენტის პლენარულ სხდომაზე “მინისტრის საათის“ ფორმატში კითხვებზე პასუხისას განაცხადა.

მინისტრის თქმით, სამინისტროს არასდროს შეუწყვეტია მუშაობა თითოეული ამ ადამიანის პრობლემაზე როგორც ინდივიდუალურად, ისე ზოგადი რეგულირების გაუმჯობესების თვალსაზრისით.

„მინდა ყველამ კარგად იცოდეს და ამ ტრიბუნიდან კიდევ ერთხელ უნდა გავიმეორო - ამ თანამდებობაზე მუშაობის დაწყებიდან არ შემოსწყვეტია კომუნიკაცია იმ ხალხთან, ვისაც აქვს ონკოლოგიური დაავადების პრობლემა. მაქვს შეხვედრები, მაქვს მუდმივი კომუნიკაცია, ვუყურებ ყველა წერილს, რომელიც შემოდის ამ მიმართულებით, არც ერთი არ გამომიტოვებია. მაქვს მონდომება, რომ რაც შეიძლება სწრაფად გადაიჭრას ეს პრობლემები, რომლებიც შეიძლება არსებობდეს და ეს პრობლემები იჭრება. გახსოვთ თქვენ, არც თუ ისე დიდი ხნის წინ, მაგალითად, ლიმიტებთან დაკავშირებით იყო მიღებული გადაწყვეტილება, როდესაც ღირებულებითი თვალსაზრისით ონკოლოგიურ მედიკამენტებზე წლიური ლიმიტი იყო განსაზღვრული, ის გამოვიტანეთ ამ რეგულაციიდან. ამან გახსნა ყოველგვარი შეზღუდვა და ბარიერი მოუხსნა ამ ხალხს, ეს გადაწყვეტილება მომწიფდა იმ ხანად, შესაბამისად, ეს გადაწყვეტილება მივიღეთ. არის სხვა მიმართულებებითაც მუშაობა, ყველა მიმართულებით, რაც შეიძლება სახელდებოდეს. მათი უფლებაა, რომ გამოხატოს ეს ამ ფორმით - აქცია გამართოს, მაგრამ, რეალურად, ჩვენი სამინისტროს კარი არავის დაუხურავს იმ ადამიანებისთვის, ვისაც რაიმეს თქმა უნდა ჩვენი სამინისტროსთვის. მათი უფლებაა, მათი ნებაა როგორ გამოხატავენ თავის მოთხოვნას, მთავარი ჩემთვის რაც არის, ჩვენს სამინისტროს არასდროს შეუწყვეტია მუშაობა თითოეული ამ ადამიანის პრობლემაზე როგორც ინდივიდუალურად, ისე ზოგადი რეგულირების გაუმჯობესების თვალსაზრისით“,- განაცხადა სარჯველაძემ.

ამასთან, მინისტრმა მითი უწოდა მოსაზრებას, რომ ონკოპაციენტები „უცხოური გავლენის გამჭვირვალობის შესახებ“ კანონის მიღების გარეშე, შეიძლება სერვისის გარეშე დარჩნენ. „მითია, პირდაპირ შემიძლია ვთქვა, რომ რომელიმე ონკოლოგიური პაციენტი შეიძლება დარჩეს სერვისის მიღების გარეშე „უცხოური გავლენის გამჭვირვალობის შესახებ“ კანონის შედეგად“,- განაცხადა სარჯველაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024