ჯანდაცვის მინისტრი - გარკვეული ნაბიჯები ამ მიმართულებით უკვე გადაიდგა - „დიარჯი“ არ არის ისეთი რამ, ერთხელ მიიყვანო გარკვეულ სრულყოფილებამდე და გადახედვას აღარ საჭიროებდეს

გარკვეული ნაბიჯები ამ მიმართულებით უკვე გადაიდგა. „დიარჯი“ არ არის ისეთი რამ, ერთხელ მიიყვანო გარკვეულ სრულყოფილებამდე და გადახედვას აღარ საჭიროებდეს, არა, მუდმივად ცოცხალი უნდა იყოს პროცესი, მედიცინის მეცნიერების განვითარების კვალდაკვალ, - ამის შესახებ ჯანდაცვის მინისტრმა მიხეილ სარჯველაძემ „დიარჯი“ სისტემასთან დაკავშირებით განაცხადა.

მისი შეფასებით, იყო შემთხვევები, როცა კლინიკების მიერ წარმოდგენილი დოკუმენტები გარკვეულ ხარვეზებს შეიცავდა.

„დიარჯი“ საკუთარი არსით, გახლავთ წინასწარი მეთოდოლოგია, ჯგუფდება გარკვეული დაავადებები, რომელიც ყველა კლინიკისთვის ერთი ტარიფით ანაზღაურდება. ეს არის სწორედ, რაც ჩვენს ქვეყანაში მუშაობს, კლასიკური გაგებით „დიარჯი“.

გარკვეული ნაბიჯები ამ მიმართულებით უკვე გადაიდგა. „დიარჯი“ არ არის ისეთი რამ, ერთხელ მიიყვანო გარკვეულ სრულყოფილებამდე და გადახედვას აღარ საჭიროებდეს, არა, მუდმივად ცოცხალი უნდა იყოს პროცესი, მედიცინის მეცნიერების განვითარების კვალდაკვალ. ვფიქრობთ და ვმუშაობთ როგორ მოხდეს, რომ დარეგულირდეს სამართლიანად და იმავდროულად არ ტოვებდეს გარკვეული, გავბედავ და დავარქმევ, მაქინაციებს, რასაც სამწუხაროდ ადგილი ჰქონია.

ადგილი ჰქონია ისეთ შემთხვევებს, როდესაც წარმოდგენილი დაფინანსების განაცხადი კლინიკებისგან შეიცავდა არამცთუ გადაუმოწმებელ, ან აკურატულად წარმოდგენილ მონაცემებს, არამედ გაყალბების ნიშნები შეინიშნებოდა. როდესაც ხედავ, რომ ერთი ადამიანის მონაცემები გადამრავლებულია, რომ ვითომ ბევრი სამედიცინო პროცედურა შესრულდა, იქ სახელმწიფო ფრთხილად უნდა იყოს, რომ ზედმეტად გადახდილი არ აღმოჩნდეს ისეთი სერვისის თანხა, რომელიც არ ჩატარებულა.

სახელმწიფოს აქვს არამცთუ უფლება, არამედ ლეგიტიმური მოვალეობა, რომ ყურადღებით და აკურატულად შეამოწმოს წარმოდგენილი დოკუმენტის ავკარგიანობა, კორექტულობა და აქედან გამომდინარე მიიღოს გადაწყვეტილება გადახდასთან დაკავშირებით.

ჩვენი ინტერესია, რომ გადარიცხვის ვადები ხანმოკლე იყოს, თუმცა შემოწმების პროცედურები ქმნის ხანგრძლივი ვადების აუცილებლობას. არავის არ აქვს საფუძველი ფიქრის, რომ რაიმე ისეთ გარემოებებთან გვაქვს საქმე კლინიკების დაფინანსების შემთხვევაში, რომელიმე მათგანს რაიმე ეგზისტენციალური რისკი ემუქრებოდეს“, - განაცხადა მიხეილ სარჯველაძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი