პეტრე ცისკარიშვილი - დიპლომატიური კორპუსის წარმომადგენლები იმყოფებიან ჩვენს ოფისში, რათა  ნახონ „ქართული ოცნების“ რეალური სახე, ვანდალიზმი, ძალადობა - მნიშვნელოვანია პარტნიორებმა იცოდნენ, როგორი იქნება წინასაარჩევნო 4-5 თვე

დიპლომატიური კორპუსის წარმომადგენლები იმყოფებიან ჩვენს რადგან საკუთარი თვალით ნახონ „ქართული ოცნების“ რეალური სახე, - ამის შესახებ „ერთიანი ნაციონალური მოძრაობის“ წევრმა პეტრე ცისკარიშვილმა განაცხადა.

მის შეფასებით, აუცილებელია დიპლომატიური კორპუსის წარმომადგენლებმა იცოდნენ, თუ როგორი წინასაარჩევნო პერიოდი იქნება საქართველოში

"საქართველოში აკრედიტებული დიპლომატიური კორპუსის წარმომადგენლები იმყოფებიან ჩვენს ოფისში, რადგან საკუთარი თვალით ნახონ "ქართული ოცნების" რეალური სახე, ის ვანდალიზმი, ის ფიზიკური ძალადობა, რომელიც ჩაიდინეს. გამთენიისას, დაახლოებით 80-მდე ადამიანი პარტიის ოფის თავს დაესხა და დააზიანეს ინფრასტრუქტურა. ამიტომ, მნიშვნელოვანია ჩვენმა პარტნიორებმა იცოდნენ, თუ როგორი იქნება წინასაარჩევნო 4-5 თვე. ჩვენ ვართ, "ერთიანი ნაციონალური მოძრაობა" მთავარი სამიზნე. მათ მიზნად აქვთ, რომ ჩვენი პარტია განადგურდეს, რაც ბიძინა ივანიშვილმაც განაცხადა, მაგრამ ამას ვერ მიიღებენ. ჩვენ ვემზადებით გამარჯვებისთვის და ამ ვანდალიზმის არ გვეშინია.

გამოძიება ყველაზე მსუბუქი მუხლით აქვთ დაწყებული. ეს იყო ორგანიზებული დანაშაულებრივი ჯგუფი, მაგრამ, იმის, რომ სამართალი დადგება და დამნაშავე გამოაშკარავდება, იმედი არ მაქვს. სამართალდამცავი სტრუქტურები თავის საქმეს არ აკეთებენ, იყვნენ და ამოიღეს ნივთმტკიცებები, თუმცა ეს მოჩვენებითია, ვითომ რაღაცას იძიებენ. ზუსტად იციან ვინც ჩაიდინა. მათ აქვთ პოლიტიკურ დავალება, რომ ისინი მთავარი მფარველები იყვნენ ამ დამნაშავეების" , - განაცხადა პეტრე ცისკარიშვილმა.

ცნობისთვის, "ერთიანი ნაციონალური მოძრაობის" თავმჯდომარე ლევან ხაბეიშვილი დიპლომატიური კორპუსის წარმომადგენლებს, რამდენიმე დღის წინ პარტიის ოფისზე თავდასხმასთან დაკავშირებით შეხვდება და მათ თავდასხმისგან მიყენებული ზარალის შესახებ ინფორმაციას მიაწვდის.

შეხვედრაზე იმყოფებიან აშშ-ს, ევროკავშირის, საფრანგეთის, გერმანიის, ნიდერლანდების, პოლონეთის, ესტონეთის, ბულგარეთის, ესპანეთის, ავსტრიის, უკრაინისა და ჩეხეთის, ელჩები და/ან მათი მოადგილეები, ასევე, საერთაშორისო ორგანიზაციიის წარმომადგენლები.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი