ლევან ხაბეიშვილი - 3 დღე გავიდა ჩვენი პარტიის ოფისზე თავდასხმიდან, მაგრამ გაგიკვირდებათ და 100-დან ერთი ადამიანიც არაა იდენტიფიცირებული - გვესმის, რომ ესენი არჩევნების ჩატარებას არ აპირებენ, მათი ამოცანა იქნება დაკავებები

პარტნიორებთან საუბარი გვაქვს, როგორ უნდა მოვახერხოთ, რომ ივანიშვილი და მისი რეჟიმი "საარჩევნო გარემოში გადმოვიდეს". ჩვენ გვესმის, რომ ესენი არჩევნების ჩატარებას არ აპირებენ. მათი ამოცანა იქნება დაკავებები და სამართლებრივი დევნა თავისუფალი ადამიანების, პოლიტიკოსებისა და სამოქალაქო აქტივისტების მიმართ, - ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა განაცხადა.

მისი შეფასებით, სამართალდამცავ უწყებას პარტიის ოფისზე თავდამსხმელი არცერთი პირის იდენტიფიკაცია არ მოუხდენია.

"ერთიანი ნაციონალური მოძრაობის" ოფისზე 100-მდე პირის თავდასხმიდან, სამი დღე გავიდა. გაგიკვირდებათ, ერთი ადამიანიც არ არის დაკავებული, თურმე 100 ადამიანიდან რომელიმეს იდენტიფიკაცია ვერ ხერხდება. ჩვენ პარტნიორებს ვუზიარებთ ინფორმაციას, რომელიც არამარტო ჩვენი პარტიის ოფისზე თავდასხმას ეხება, არამედ სხვა პარტიებზე, სამოქალაქო აქტივისტებსა და ზარებზე. ასევე, ვსაუბრობთ საარჩევნო სტრატეგიაზე, რომელიც უკავშირდება ივანიშვილის რეჟიმის დამარცხებას.

პარტნიორებთან საუბარი გვაქვს, როგორ უნდა მოვახერხოთ, რომ ივანიშვილი და მისი რეჟიმი საარჩევნო გარემოში გადმოვიდეს. ჩვენ გვესმის, რომ ესენი არჩევნების ჩატარებას არ აპირებენ. მათი ამოცანა იქნება დაკავებები და სამართლებრივი დევნა თავისუფალი ადამიანების, პოლიტიკოსებისა და სამოქალაქო აქტივისტების მიმართ.

ქართველი ხალხის წინააღმდეგ ძალადობრივი ქმედებები არ გასვლია არავის არასდროს. ტყუილად აქვს იმედი ივანიშვილს, რომ ვინმეს შეაშინებს. საქართველო იქნება ივანიშვილის გარეშე, ევროპასთან ერთად," - განაცხადა ლევან ხაბეიშვილმა.

ცნობისთვის, "ერთიანი ნაციონალური მოძრაობის" თავმჯდომარე ლევან ხაბეიშვილი დიპლომატიური კორპუსის წარმომადგენლებს, რამდენიმე დღის წინ პარტიის ოფისზე თავდასხმასთან დაკავშირებით შეხვდება და მათ თავდასხმისგან მიყენებული ზარალის შესახებ ინფორმაციას მიაწვდის.

შეხვედრაზე აშშ-ს, ევროკავშირის, საფრანგეთის, გერმანიის, ნიდერლანდების, პოლონეთის, ესტონეთის, ბულგარეთის, ესპანეთის, ავსტრიის, უკრაინისა და ჩეხეთის, ელჩები და საელჩოს წარმომადგენლები და საერთაშორისო ორგანიზაციების წარმომადგენლებიც იმყოფებიან.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024