ისწავლე „საქართველოს ბანკის“ სტიპენდიით აშშ-ში და დასაქმდი წამყვან ინსტიტუტებში - ფულბრაიტის სტიპენდიატის გამოცდილება

„საქართველოს ბანკის“ ცნობით, ბანკი ნიჭიერი და მიზანდასახული ახალგაზრდებისთვის განათლების შესაძლებლობების შექმნას უწყვეტ რეჟიმში განაგრძობს.

მათივე ცნობით, სწორედ ამ მიზნით, 2014 წლიდან ბანკი ამერიკის საელჩოსთან თანამშრომლობს და Fulbright-ის პროგრამის ფარგლებში, გამორჩეულ კანდიდატებს აშშ-ს წამყვან უნივერსიტეტებში 2 - წლიან სამაგისტრო საფეხურზე სწავლას და საცხოვრებელ ხარჯებს 100%-ით უფინანსებს.

როგორც „საქართველოს ბანკში“ აღნიშნავენ, მთავარი პირობაა, სტიპენდიატები სწავლის დასრულების შემდეგ საქართველოში დაბრუნდნენ და მიღებული ცოდნა ქვეყანაში სხვადასხვა ინდუსტრიის განვითარებას მოახმარონ.

Fulbright-ის პროგრამის ფარგლებში, „საქართველოს ბანკის“ სტიპენდიით უკვე 12-მა ახალგაზრდამ მიიღო განათლება აშშ-ს წამყვან უნივერსიტეტებში, მათი ნაწილი კი დაბრუნების შემდეგ „საქართველოს ბანკის“ გუნდს შეუერთდა, მათ შორისაა გიორგი გვასალია, რომელიც 2022 წლის პროგრამის გამარჯვებულია. მან Texas A&M University-ის აეროკოსმოსური ინჟინერიის, აეროდინამიკისა და ძრავების სამაგისტრო პროგრამაზე ისწავლა და შინ ახლახან დაბრუნდა - ახალი მიზნებით, ცოდნითა და გამოცდილებით.

ახლა ის „საქართველოს ბანკში“ მონაცემთა მეცნიერის პოზიციაზე მუშაობს და მიზნად ისახავს, ხელი შეუწყოს მომხმარებელთათვის გამორჩეულ საბანკო გამოცდილების შექმნას.

„რამდენიმე წელი ვცდილობდი საზღვარგარეთ სწავლის გაგრძელებას. არაერთი წარუმატებელი მცდელობის შემდეგ მაინც არ დავნებდი და გადავწყვიტე, ერთ-ერთ ყველაზე პრესტიჟულ საგრანტო პროგრამაში Fulbright-ში მეცადა ბედი. საბედნიეროდ, პირველივე ცდაზე მოვიპოვე „საქართველოს ბანკისგან“ სწავლის და ცხოვრების ხარჯების სრული დაფინანსება და ჩავირიცხე ჩემთვის სასურველ უნივერსიტეტში.

ალბათ, ამ პერიოდში ყველაზე რთული ეტაპი ჩემთვის ლოდინი იყო, რომელიც დაახლოებით სამი თვე გაგრძელდა. სულ იმის შიში მქონდა, რომ ვერ გავიმარჯვებდი, რადგან, როგორც წესი, საკმაოდ მრავალწლიანი გამოცდილებაა საჭირო ამ სტიპენდიის მოპოვებისთვის. თუმცა, გამიმართლა და მეც აღმოვჩნდი რჩეულთა შორის“, - აღნიშნავს გიორგი გვასალია.

ყველაფრის საწყისი, ანუ ინჟინერია:

„ღრმა ბავშვობიდან ვოცნებობდი მხატვრობაზე. დაახლოებით 8 წელი დავდიოდი ხატვაზე და სამხატვროში ვაპირებდი ჩაბარებას, მაგრამ რადგან ილია ვეკუას სახელობის სკოლაში ვსწავლობდი, ტექნიკური მიმართულებით სწავლის გაგრძელება ვამჯობინე. თუმცა, ვფიქრობ, ის სფერო, რომელიც ავირჩიე, პირდაპირ კვეთაში მოდის შემოქმედებითობასა და ხელოვნებასთან. ჩემი სპეციალიზაციის სფერო აეროდინამიკაა, რომელიც მიზნად ისახავს იმ ამოცანების ამოხსნას, რასაც პირდაპირი ანალიტიკური გზით ამონახსნი არ აქვს. ანუ, ჩემი პროფესიის მიზანია რიცხვითი მეთოდებით საინჟინრო ამოცანების ოპტიმიზაცია, რაც კრეატიული გზით ობიექტურ შედეგამდე მისვლას გულისხმობს”, - აცხადებს სტიპენდიანტი.

შედეგები:

„ამ პროგრამის დროს საკმაოდ ბევრი რამის სწავლა მომიწია არამარტო ინჟინერიაში, არამედ საკუთარ თავზეც. საკმაოდ რთული და საინტერესო პერიოდი იყო ჩემს ცხოვრებაში და, მგონია, ერთ-ერთი ყველაზე მნიშვნელოვანიც, რადგან ბოლომდე მომიწია საკუთარ თავზე პასუხისმგებლობის აღება.

ჩემს საკვლევ თემად მანქანური სწავლების გავლენა კომპიუტერულ აეროდინამიკაზე ავარჩიე, რადგან ეს სფერო დღითიდღე ყველგან გვხვდება და, ჩემი აზრით, დღეს თუ არა, ახლო მომავალში ყველაზე მოთხოვნადი პროფესია იქნება.

ამჟამად მონაცემთა მეცნიერის პოზიციაზე ვმუშაობ. ამ მიმართულებით პირველივე წელს დავინტერესდი და სასწავლო კურსთან ერთად ვცდილობდი შესწავლას. მიხარია, რომ ამხელა დატვირთვის მიუხედავად, ორივე ფრონტზე წარმატებით შევასრულე დასახული გეგმა და ამჟამად საქართველოს ბანკს შემოვუერთდი“, - განაცხადა გიორგი გვასალიამ.

„საქართველოს ბანკი“, როგორც ახალი აღმოჩენების სივრცე:

„სწავლის დასრულების შემდეგ, საქართველოში ჩამოსვლამდე რამდენიმე თვით ადრე დავიწყე „საქართველოს ბანკთან“ გასაუბრება, მონაცემთა მეცნიერის პოზიციაზე დასაქმების თაობაზე.

ქვეყანაში დაბრუნების შემდეგ მონაცემთა მეცნიერის პროფესიით მუშაობა მქონდა გადაწყვეტილი, ამ მიმართულებით კი „საქართველოს ბანკი“ ყველაზე საინტერესო შესაძლებლობა იყო ჩემთვის, რადგან დღესდღეობით ის ერთ-ერთი წამყვანი ტექნოლოგიური კომპანიაა საქართველოში.

რამდენიმე ეტაპიანი გასაუბრების წარმატებით დასრულების შედეგად, ჩამოსვლისთანავე შევუერთდი „საქართველოს ბანკის“ დიდ გუნდს და მჯერა, რომ საუკეთესო წინ არის“, - დასზენს Fulbright-ის სტიპენდიატი.

ინფორმაციისთვის, Fulbright-ის სამაგისტრო პროგრამაზე რეგისტრაცია 1 მაისს დაიწყო და 1 აგვისტოს დასრულდება. აღმოაჩინეთ თქვენზე მორგებული შესაძლებლობები და არ გაუშვათ ეს შანსი ხელიდან“, - აღნიშნულია „საქართველოს ბანკის“ მიერ გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024