დიმიტრი მედვედევი - რუსეთმა, შესაძლოა, აშშ-ის მტრებს იარაღი მიაწოდოს - დაე, ჯოჯოხეთის ცეცხლში დაიწვას იმ სახელმწიფოების ობიექტები, რომლებიც კიევს იარაღს აწვდიან

რუსული იარაღი შეიძლება მიეწოდოს შეერთებული შტატების ნებისმიერ მტერს, რაც უკრაინის შეიარაღებაზე სიმეტრიული პასუხი იქნება, - ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა, როდესაც აღნიშნულ საკითხზე რუსეთის პრეზიდენტ ვლადიმერ პუტინის მიერ გაკეთებულ კომენტარს გამოეხმაურა.

მისი თქმით, მოსკოვი განიხილავს პასუხს რუსეთზე თავდასხმის მიზნით კიევისთვის იარაღის მიწოდებაზე.

„ეს არის ჩვენი საგარეო პოლიტიკის ძალიან მნიშვნელოვანი ცვლილება. დაე, ახლა შეერთებულმა შტატებმა და მისმა მოკავშირეებმა იგრძნონ საკუთარ თავზე რუსული იარაღის პირდაპირი გამოყენება მესამე მხარის მიერ“, - აღნიშნა მედვედევმა.

მისი თქმით ეს, შესაძლოა, იყოს ნებისმიერი ქვეყანა, რომელიც შეერთებულ შტატებს და მის მოკავშირეებს მტრებად თვლის, „მიუხედავად მათი პოლიტიკური შეხედულებებისა და საერთაშორისო აღიარებისა“.

„მათი მტერი შეერთებული შტატებია, რაც იმას ნიშნავს, რომ ისინი ჩვენი მეგობრები არიან. დაე, რუსული იარაღის გამოყენება იმ რეგიონების მიერ, რომლებიც ჯერჯერობით არ დასახელებულა, იყოს რაც შეიძლება დამღუპველი მათი და ჩვენი მოწინააღმდეგეებისთვის. დაე, ჯოჯოხეთის ცეცხლში დაიწვას იმ სახელმწიფოების მგრძნობიარე ობიექტები, რომლებიც კიევს იარაღს აწვდიან. ჩვენ კი გავიხარებთ ჩვენი იარაღის გამოყენებით მათი წარმატებული დარტყმებით ჩვენი საერთო მტრების წინააღმდეგ“, - აღნიშნა მედვედევმა.

შეგახსენებთ, მანამდე, რუსეთის პრეზიდენტმა, ვლადიმერ პუტინმა უკრაინისთვის შორ მანძილზე მოქმედი იარაღის მიწოდება გააკრიტიკა და განაცხადა, რომ მოსკოვმა, შესაძლოა, მსგავსი იარაღი მიაწოდოს სხვა ქვეყნებს დასავლეთის სამიზნეებზე დარტყმისთვის.

„თუ ვინმე თვლის, რომ შესაძლებელია საბრძოლო ზონაში ასეთი იარაღის მიწოდება, რათა ჩვენს ტერიტორიას დაარტყან და პრობლემები შეგვიქმნან, მაშინ რატომ არ გვაქვს უფლება მივაწოდოთ იმავე კლასის იარაღი მსოფლიოს იმ რეგიონებში, სადაც დარტყმები განხორციელდება იმ ქვეყნების მგრძნობიარე ობიექტებზე, რომლებიც ამას რუსეთთან მიმართებაში აკეთებენ“, - აღნიშნა პუტინმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი