ტურინში “იუვენტუსის” აკადემიების მსოფლიო ჩემპიონატზე წალენჯიხის  „იუვენტუსის“ აკადემიის ფეხბურთელებმა პირველი დღე გამარჯვებით დაასრულეს

ტურინში “იუვენტუსის” აკადემიების მსოფლიო ჩემპიონატზე წალენჯიხის „იუვენტუსის“ აკადემიის ფეხბურთელებმა პირველი დღე ტრიუმფალური გამარჯვებით დაასრულეს. ამის შესახებ ინფორმაციას წალენჯიხის „იუვენტუსის“ აკადემია ავრცელებს.

მათი ცნობით, წალენჯიხამ ლონდონის „იუვენტუსს“ 12-1 სძლია და პირველივე შეხვედრაზე ფავორიტებში დაწინაურდა.

„დღესვე წალენჯიხის „იუვენტუსის“ პატარა ფეხბურთელებმა „ლოს-ანჯელესი“ დაამარცხეს ანგარიშით 4-0 და დღის უპირობო ლიდერები გახდნენ. აღსანიშნავია, რომ „ლოს-ანჯელესის“ „იუვენტუსს“ ლეგენდარული ფეხბურთელი დელპიერო ხელმძღვანელობს. ხვალ, წალენჯიხის ფეხბურთელებს გადამწყვეტი თამაში აქვთ პოლონეთის „იუვენტუსის“ აკადემიასთან, რის შემდეგაც გაირკვევა ვინ გააგრძელებს მსოფლიოს ჩემპიონობისთვის ბრძოლას.

წალენჯიხის აკადემიის აღსაზრდელები ევროპაში გამართულ საფეხბურთო მატჩებში პირველად მონაწილეობენ. „იუვენტუსის“ აკადემიების მსოფლიო ჩემპიონატში, ჯამში, 26 ქვეყნის 36 აკადემია იღებს მონაწილეობას“,- ნათქვამია ინფორმაციაში.

მათივე ცნობით, წალენჯიხის „იუვენტუსის“ აკადემია, სადაც აღსაზრდელები სრულიად უფასოდ სწავლობენ, ერთი წლის წინ, მამუკა ხაზარაძის ინიციატივით შეიქმნა და დღეს უკვე მსოფლიო ჩემპიონატის უპირობო ფავორიტია.

ტურინში მიმდინარე მსოფლიო ჩემპიონატზე წალენჯიხის „იუვენტუსის“ აღსაზრდელებს პირადად მამუკა ხაზარაძე ახლავს და გულშემატკივრობს.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?