ბელგოროდის ოლქის ქალაქ შებეკინოს დაბომბვის შედეგად, ერთი ადამიანი დაიღუპა და სამი დაშავდა, - ამის შესახებ ოლქის გუბერნატორი, ვიაჩესლავ გლადკოვი „ტელეგრამში“ წერს.

„უკრაინის შეიარაღებულმა ძალებმა ქალაქ შებეკინოს MLRS-ის გამოყენებით ცეცხლი გაუხსნეს. საცხოვრებელ ბინაში ჭურვის პირდაპირი დარტყმის შედეგად, მშვიდობიანი მოქალაქე დაიღუპა“, - წერს ბელგოროდის გუბერნატორი.

მისივე თქმით, ორი დაშავებული ქალი საავადმყოფოში გადაიყვანეს, ხოლო მესამეს სამედიცინო დახმარება ადგილზე გაუწიეს.

ვიაჩესლავ გლადკოვის ცნობით, დაბომბვის შედეგად, 6 კერძო სახლი და 11 საცხოვრებელი კორპუსი დაზიანდა.