ზურაბ ჭიაბერაშვილი - „ხალხის ძალის“ განცხადება არის შემდეგი - რის თქმასაც „ქართული ოცნება“, ეს რუსული კოშმარი არ აპირებს, ათქმევინებს თავის სატელიტს

„ხალხის ძალის“ განცხადება არის შემდეგი - რის თქმასაც „ქართული ოცნება“, ეს რუსული კოშმარი არ აპირებს, ათქმევინებს თავის სატელიტს, - ამის შესახებ „ნაციონალური მოძრაობის“ საგარეო მიმართულების მდივანმა, ზურაბ ჭიაბერაშვილმა განაცხადა, რითაც გამოეხმაურა აშშ-ს ელჩის რობინ დანიგანის მისამართით „ხალხის ძალის“ მიერ გაკეთებულ განცხადებას.

ჭიაბერაშვილის თქმით, „ხალხის ძალის“ განცხადება „ქართული ოცნების“ და რუსეთის ერთობლივი პროპაგანდაა.

„უნდა ვიცოდეთ, რომ ეს არის „ქართული ოცნების“ და რუსეთის ერთობლივი პროპაგანდა, მათ შორის ისინი კვლავ უბრუნდებიან იმ თემას, რაც ყველაზე მტკივნეულია ჩვენთვის და რაც ყველაზე მეტად აწყობს კრემლს. ეს არის ის, რომ ისევ და ისევ დადანაშაულებული იქნას საქართველო, ჩვენი პარტნიორები - ევროკავშირი, შეერთებული შტატები. ასეთი პროპაგანდა არაერთხელ მოგვისმენია და ნათლად ავლენს „ქართული ოცნების“ ბუნებას. ისინი ამ გზავნილით მოვიდნენ ხელისუფლებაში და ამ გზავნილით ასრულებენ ხელისუფლებას. ღრმად ვარ დარწმუნებული, რომ საქართველოში სულ უფრო და უფრო მეტი ადამიანი ხედავს ამ რუსული ძალის მოღალატეობრივ ბუნებას“, - განაცხადა ზურაბ ჭიაბერაშვილმა.

ცნობისთვის, „ხალხის ძალა“ საქართველოში ამერიკის შეერთებული შტატების ელჩის, რობინ დანიგანის მიერ „ინტერპრესნიუსთან“ ინტერვიუსას გაკეთებულ განცხადებებს ქართველი ხალხის მიმართ „უკიდურესად შეურაცხმყოფელს“ უწოდებს და ამბობს, რომ ელჩმა „წითელი ხაზი“ გადაკვეთა.

ამასთან, როგორც განცხადებაშია ნათქვამი, ყველაფერს გააკეთებენ ქვეყნის სუვერენიტეტის გასაძლიერებლად და ეკონომიკური მდგომარეობის გასაუმჯობესებლად, "თუნდაც ეს იმ - მხოლოდ ფურცელზე დაწერილი და ჰაერზე ნათქვამი - "სტრატეგიული პარტნიორობის" გადახედვად დაგვიჯდეს, რის მუქარასაც ბოლო პერიოდში სულ უფრო ხშირად ვისმენთ და თანაც ყოველ ჯერზე უფრო და უფრო მაღალი პოლიტიკური თანამდებობის პირებისგან".

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის