ჩილეში მატარებლების შეჯახების შედეგად, სულ მცირე 2 ადამიანი დაიღუპა, - ამის შესახებ ინფორმაციას სააგენტო Reuters-ი ავრცელებს.

Reuters-ის ცნობით, ჩილეს სახელმწიფო სარკინიგზო კომპანიის მატარებელი საცდელ რეისს ასრულებდა, როდესაც კერძო სარკინიგზო კომპანიის სატვირთო მატარებელს შეეჯახა, რის შედეგადაც სულ მცირე 2 ადამიანი დაიღუპა და 9 დაშავდა.

„ჩვენ გამომწვევი მიზეზები უნდა დავადგინოთ და შესაბამისი ზომები მივიღოთ“, - განაცხადა ჩილეს ტრანსპორტის მინისტრმა, ხუან კარლოს მუნიოსმა.

ავარიის მიზეზის დასადგენად ადგილობრივმა სამართალდამცავებმა გამოძიება დაიწყეს.