თეონა აქუბარდია - აშშ-ის თავდაცვის ავტორიზაციის აქტში საქართველოზე ჩანაწერი გამქრალია და ჯარის დაფინანსება ნულია - ეს პირდაპირ ნიშნავს, რომ „ქართულმა ოცნებამ“ კრემლის ოცნება ღიად შეასრულა

აშშ-ის თავდაცვის ავტორიზაციის აქტში საქართველოზე ჩანაწერი გამქრალია და ჯარის დაფინანსება ნულია - ეს პირდაპირ ნიშნავს, რომ "ქართულმა ოცნებამ" კრემლის ოცნება ღიად შეასრულა, - ამის შესახებ ოპოზიციონერმა დეპუტატმა, თეონა აქუბარდიამ ბრიფინგზე განაცხადა.

მისი თქმით, თავდაცვის ავტორიზაციის აქტში, რომელიც 2025 წლის საბიუჯეტო წელს გულისხმობს, საქართველოზე არათუ საბიუჯეტო დახმარება, არამედ, ჩანაწერიც კი არ არსებობს.

როგორც აქუბარდია აღნიშნავს, სამაგიეროდ, აქტში პირველად გაჩნდა ჩანაწერი სომხეთთან თანამშრომლობაზე.

„სენატორმა შაჰინმა განაცხადა, რომ თავდაცვის ავტორიზაციის აქტი, რომელიც სენატში განიხილეს, საქართველოსთან დაკავშირებით ბევრს არაფერს აღარ ამბობს. მე ვნახე თავდაცვის ავტორიზაციის აქტი, რომელიც 2025 წლის საბიუჯეტო წელს გულისხმობს და საქართველოზე არათუ საბიუჯეტო დახმარება, არამედ, ჩანაწერიც კი არ არსებობს. მე ხელთ მაქვს ის ჩანაწერი, რომელიც ევროპასთან დაკავშირებით არის და გაგიკვირდებათ, თუმცა საქართველოს მხარდაჭერა აღარ არის ნახსენები და საუბარია სომხეთის თავდაცვისუნარიანობის გაძლიერებაზე, რომელიც ამ მოლაპარაკებების შედეგად, პირველად გაჩნდა თავდაცვის ავტორიზაციის აქტში.

ამ ვითარებაში, როდესაც თავდაცვის ავტორიზაციის აქტით ჯარის დაფინანსება ნულია და საქართველოზე ჩანაწერი გამქრალია და სომხეთთან თანამშრომლობაზე არის საუბარი, ეს პირდაპირ ნიშნავს, რომ "ქართულმა ოცნებამ" კრემლის ოცნება ღიად შეასრულა, იმიტომ რომ შეერთებულო შტატების დახმარების და მხარდაჭერის გარეშე, ამ ქვეყნის თავდაცვისუნარიანობა ვერ შესრულდება და ერთადერთი რა შესაძლებლობაც შეიძლება ჩვენს ჯარს დარჩეს ეს არის ხანძრების ქრობა, ისიც ძალიან მწირე რესურსებით," - განაცხადა აქუბარდიამ.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის