ევერესტის ოლიმპიადაში მონაწილეობა 17 500-ზე მეტმა მოსწავლემ მიიღო - ინიციატივის მხარდამჭერი „საქართველოს ბანკია“

„საქართველოს ბანკი“ ახალგაზრდებისთვის განათლების შესაძლებლობების შექმნას განაგრძობს. სწორედ ამ მიზნით, ბანკი საქართველოში ყველაზე მასშტაბური მათემატიკის ოლიმპიადის - ევერესტის მხარდამჭერია,- ამის შესახებ ინფორმაციას „საქართველოს ბანკი“ ავრცელებს.

მათივე ცნობით, 2024 წლის საგაზაფხულო სეზონზე ოლიმპიადაში მონაწილეობა II-VI კლასის 17 500-ზე მეტმა მოსწავლემ მიიღო.

პროექტის ფარგლებში, ახალგაზრდები მათემატიკური ამოცანების ამოხსნაზე მუშაობდნენ. სამი ტურის შედეგად, საუკეთესო შედეგის მქონე 61 მოსწავლე გამოვლინდა. ფინალურ ეტაპზე კი სამი გამარჯვებული დასახელდა, რომელთაც საქართველოს ბანკისგან საჩუქრები (ლეპტოპები და მობილური ტელეფონი) გადაეცათ.

ევერესტის 2024 წლის საგაზაფხულო სეზონის გამარჯვებულები არიან: დამიანე მამრიკაშვილი, მე-2 კლასის მოსწავლე (თბილისის მე-60 სკოლა), ნინო სეხნიაშვილი მე-3 კლასის მოსწავლე (დამოუკიდებელი საერო გიმნაზია „შავნაბადა“), იოანე მამრიკიშვილი მე-4 კლასის მოსწავლე (თბილისის მე-60 სკოლა).

„საქართველოს ბანკში“ გვჯერა ახალგაზრდების და მათი უსაზღვრო შესაძლებლობების. შესაბამისად, მიზნად დავისახეთ, ხარისხიანი განათლება რაც შეიძლება მეტად ხელმისაწვდომი გაგვეხადა მოსწავლეებისა და სტუდენტებისთვის. სწორედ ამ მიზნის მისაღწევად 40-ზე მეტ საგანმანათლებლო პროექტს ვახორციელებთ და ვუჭერთ მხარს. ევერესტის ოლიმპიადა II-VI კლასის მოსწავლეებისთვის შესაძლებლობაა, გამოცადონ საკუთარი თავი და უნარები მათემატიკური ამოცანების ამოხსნაში, მიიღონ გამოცდილება, შეიძინონ ახალი მეგობრები და ადრეული ასაკიდანვე დაიწყონ საკუთარი პოტენციალის ათვისება. გვახარებს ევერესტის ოლიმპიადისადმი მუდმივად მზარდი ინტერესი და ვიმედოვნებთ, რომ მომავალში ინიციატივაში ჩართული ახალგაზრდების რაოდენობა კიდევ უფრო გაიზრდება. ჩვენ ვულოცავთ მოსწავლეებს ამ გამარჯვებას და წარმატებებს ვუსურვებთ მათ“, - აღნიშნავს საქართველოს ბანკის“ კორპორატიული სოციალური პასუხისმგებლობის მიმართულების ხელმძღვანელი ანა ლომთაძე.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის