„საქართველოს ბანკის“ ბიზნესკურსს აგრომეწარმეობის კურსი დაემატა

„საქართველოს ბანკმა“ აგრობიზნესის მხარდაჭერის მიზნით, უფასო საგანმანათლებლო პლატფორმაზე Businesscourse.ge აგრომეწარმეობის კურსი განათავსა, რომელიც დამწყებ თუ გამოცდილ ფერმერებს წარმოების, უსაფრთხოების, გაყიდვების არხების და მეურნეობის მართვის სხვადასხვა კომპონენტებს გააცნობს. ამის შესახებ ინფორმაციას „საქართველოს ბანკი“ ავრცელებს.

გავრცელებული ინფორმაციის თანახმად, ბიზნესკურსის მიზანია, ფერმერებმა უფრო მეტი გაიგონ სოფლის მეურნეობაში თანამედროვე ტექნოლოგიების დანერგვის შესახებ, მიიღონ მეტი ინფორმაცია ხელოვნური ინტელექტის როლზე და სხვა მნიშვნელოვან თემებზე, შედეგად კი შეძლონ მეურნეობის განვითარება.

ბიზნესკურსი საქართველოს ფერმერთა ასოციაციის თავმჯდომარემ, ნინო ზამბახიძემ გუნდთან ერთად მოამზადა და 10 ვიდეოგაკვეთილს მოიცავს. კურსზე განხილული იქნება შემდეგი თემები: საქართველოს აგროსექტორის მიმოხილვა; სასურსათო უსაფრთხოების არსი; აგროწარმოება; დამატებული ღირებულების წარმომქმნელი ბიზნეს მოდელები; შრომის უსაფრთხოება, გარემოს დაცვა და ნარჩენების მართვა; ბაზრების დივერსიფიცირება და DCFTA; რატომ უნდა გახდე ფერმერი; თანამედროვე სოფლის მეურნეობა.

აღსანიშნავია, რომ კურსი ხელმისაწვდომია ვიდეოგაკვეთილების ფორმატში ნებისმიერ დროს, ნებისმიერი ადგილიდან.

„ბიზნესკურსი „საქართველოს ბანკის“ საგანმანათლებლო ინიციატივაა, რომელიც ბიზნესების გაძლიერებისთვის, თანამედროვე გამოწვევებზე გამკლავებისა და მათთვის ცოდნის გაზიარებისთვის შეიქმნა. დღეს ბიზნესკურსის პლატფორმა 47 კურსს აერთიანებს და მათი რიცხვი მუდმივად იზრდება. ჩვენ, პარტნიორ ორგანიზაციებთან ერთად, რეგულარულად ვქმნით მცირე და საშუალო ბიზნესისთვის ყველაზე რელევანტურ კურსებს და მას უფასო ონლაინ პლატფორმაზე ვათავსებთ. მათ შორისაა კურსები მარკეტინგზე, გაყიდვებზე, ტექნოლოგიებზე და სხვა, ამჯერად კი მათ რიცხვს აგრომეწარმეობის კურსი შეემატა. „საქართველოს ბანკისთვის“ აგრომეწარმეობის ხელშეწყობა ერთ-ერთი პრიორიტეტია და მოხარული ვართ, რომ გვაქვს შესაძლებლობა, ფერმერთა ასოციაციის ჩართულობით, მომხმარებლებს ამ თემაზე უფასო კურსი შევთავაზოთ. ჩვენ მომავალშიც არაერთ საინტერესო საგანმანათლებლო ინიციატივას გავაცნობთ სექტორს, მათ შორის აგრო ბიზნესში ჩართულ პირებს“, - ამბობს „საქართველოს ბანკის“ მცირე და საშუალო ბიზნესის დამატებითი ღირებულების სერვისების განვითარების მიმართულების ხელმძღვანელი, რუსუდან ბარათაშვილი.

ბიზნესკურსზე დასარეგისტრირებლად ეწვიეთ ამ ბმულს. აგრო ბიზნესის დაფინანსების შესაძლებლობებზე კი გაიგეთ მეტი საქართველოს ბანკის ვებგვერდიდან.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია