დავით უსუფაშვილი - საქართველოს დღევანდელ ხელისუფლებას აერია ყველაფერი, საღი აზრი პირველ რიგში! მეგობრებს ევროპაში, აშშ-ში და იაპონიაში მტრებად აცხადებს და ქართველ ხალხს ეუბნება, რომ იქიდან გველის საფრთხე

უკიდურესად შემაშფოთებელია და სამწუხაროა, რომ საქართველოს დღევანდელ ხელისუფლებას აერია ყველაფერი, საღი აზრი - მეგობრებს ევროპაში, აშშ-ში და იაპონიაში მტრებად აცხადებს და იყურება იქით, საიდანაც რეალური საფრთხე არსებობს და სწორედ იქედან ელის შველას, - ამის შესახებ პარტია „ლელოს“ დეპუტატმა დავით უსუფაშვილმა განაცხადა.

მისი შეფასებით, „სამოქალაქო იდეის“ ორგანიზებით გამართული საერთაშორისო კონფერენცია - „სტრატეგიული ბუნდოვანება დიდი სახელმწიფოების საჭადრაკო დაფაზე“- შესაძლებლობას იძლევა, რომ ის პრობლემები, რომელიც ქვეყანაში არსებობს, გლობალურად შეფასდეს.

„კონფერენცია არ ეძღვნება რომელიმე ერთ ქვეყანას, ან საქართველოს რომელიმე ერთ ქვეყანასთან ურთიერთობას. კონფერენციას გაცილებით ფართო ამოცანა აქვს. ის, რაც მსოფლიოში ხდება, დიდწილად გავლენას საქართველოზეც ახდენს. რუსეთის აგრესია საქართველოსა და უკრაინაში, პოლიტიკურ დონეზე ყველაფერი გასაგებია, თუმცა სათანადოდ პასუხგაცემული ვერ არის. რუსეთი აგრესიულ პოლიტიკას აგრძელებს და მსოფლიოს დესტაბილიზაციით ემუქრება. ამ პროცესში უკიდურესად შემაშფოთებელია და სამწუხაროა, რომ საქართველოს დღევანდელ ხელისუფლებას აერია ყველაფერი, საღი აზრი პირველ რიგში! მეგობრებს ევროპაში, აშშ-ში და იაპონიაში მტრებად აცხადებს და ქართველ ხალხს ეუბნება, რომ იქიდან გველის საფრთხე.

იყურება იქით, საიდანაც რეალურად საფრთხე არსებობს და სწორედ იქედან ელის შველას. ამ თემებზეა საუბარი. ამ კონფერენცია 15-მდე ქვეყნის წარმომადგენელი ესწრება და ჩვენ ვცდილობთ, რომ ეს საკითხები გლობალურ დონზე დავინახოთ. ამ პრობლემის მოგვარებას საქართველო ვერ შეძლებს, თუ მეგობრებთან მჭიდრო სტრატეგიულ ურთიერთობაში არ იქნება“, - განაცხადა დავით უსუფაშვილმა.

ცნობისთვის, „სამოქალაქო იდეის“ ორგანიზებით, თბილისში რიგით მეხუთე საერთაშორისო კონფერენცია - „სტრატეგიული ბუნდოვანება დიდი სახელმწიფოების საჭადრაკო დაფაზე“ იმართება, რომელიც 2 დღის განმავლობაში გაგრძელდება.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის