ვოლოდიმირ ზელენსკი - გავაგრძელებთ უკრაინის ფლოტის გაძლიერებას გაერთიანებულ სამეფოსა და ნიდერლანდებთან ერთად - ჩვენს თანამშრომლობაში არის იმედისმომცემი ახალი დეტალები

უკრაინის პრეზიდენტის, ვოლოდიმირ ზელენსკის განცხადებით, კიევი გაერთიანებულ სამეფოსა და ნიდერლანდებთან ერთად სამხედრო-საზღვაო ფლოტს გააძლიერებს.

„დღეს ოდესაში, უკრაინის შეიარაღებული ძალების სამხედრო-საზღვაო ძალების დღეს, მადლიერებას გამოვხატავთ ჩვენი ყველა საზღვაო მეომრის მიმართ და ვერთვებით მოლაპარაკებებში, რათა უკრაინის თავდაცვის ძალებმა, მათ შორის ჩვენმა სამხედრო-საზღვაო ძალებმა, კიდევ უფრო მეტი შესაძლებლობები მიიღოს“, - აცხადებს ზელენსკი.

მისი თქმით, ნიდერლანდების თავდაცვისა და საგარეო საქმეთა ახალ მინისტრებს, ასევე ბრიტანეთის თავდაცვის ახალ მინისტრს ოდესაში გამართულ შეხვედრაზე ბრძოლის ველზე არსებული ვითარება გააცნო.

„გავაგრძელებთ უკრაინის ფლოტის გაძლიერებას გაერთიანებულ სამეფოსა და ნიდერლანდებთან ერთად. ჩვენს თანამშრომლობაში არის იმედისმომცემი ახალი დეტალები. ჩვენ ასევე განვიხილეთ ჩვენი საჰაერო თავდაცვის სისტემების გაძლიერება, რაც რჩება აბსოლუტურ პრიორიტეტად და მადლობელი ვარ შემდგომი ნაბიჯების გადადგმის სურვილისთვის, განსაკუთრებით F-16-ებთან დაკავშირებით“, - აცხადებს ზელენსკი.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო