ჯანმრთელობის მეცნიერებების სკოლამ საქართველოს უნივერსიტეტში ფუნქციონირება 2005 წლიდან დაიწყო, როგორც საზოგადოებრივი ჯანდაცვის უმაღლესმა სკოლამ, რომელიც დღეს, გარდა საზოგადოებრივი ჯანდაცვის პროგრამებისა: საექთნო საქმის, სტომატოლოგიის, მედიცინის, ფარმაციისა და ჯანდაცვის მენეჯმენტის აკადემიური სწავლებების პროგრამებს ახორციელებს, უმაღლესი განათლების შესაბამის საბაკლავრო, სამაგისტრო და სადოქტორო საფეხურზე.

სკოლის ფორმირებაში უდიდესი წვლილი შეიტანეს როგორც საქართველოს, ასევე საერთაშორისო დონის ჯანმრთელობის დაცვის ექსპერტებმა და მეცნიერებმა. სასწავლო პროგრამები შემუშავებულია ქართველ და უცხოელ სპეციალისტებთან ერთად, აშშ-ს სკრენტონის, ცენტრალური ფლორიდის, ნორთ-ვესტის, ნორვეგიის ჩრდილოეთ არქტიკის/ტრომსოს და სხვა უნივერსიტეტებთან ერთად.

აღსანიშნავია, რომ თანამედროვე ინფრასტრუქტურით, სწავლების ინოვაციური მეთოდებით, ადამიანური რესურსებით, სამეცნიერო კვლვებზე პროფესორ-მასწავლებლებისა და სტუდენტების ორიენტაციით სკოლას ერთ-ერთი მოწინავე ადგილი უჭირავს არამარტო საქართველოში, არამედ რეგიონში. აღსანიშნავია, რომ იგი ინტეგრირებულია საერთაშორისო პროფესიულ ასოციაციებში (AUPHA, EUPHA, AMEE, AMSE, ADEE, FINE, ISOP, ESPC), საერთაშორისო პროგრამებსა და სამეცნიერო ინსტიტუციებში (ERASMUS და სხვა).

როგორც საქართველოს უნივერსიტეტის ჯანმრთელობის მეცნიერებების სკოლის დირექტორი ქალბატონი თამარ ლობჯანიძე ამბობს, ჯანმრთელობის მეცნიერებების სკოლა გამოირჩჩევა თეორიული და პრაქტიკული განათლების სრულყოფილი კომბინაციით. ჩვენთვის მნიშვნელოვანია, რომ ჩვენ გვაქვს გამორჩეული ინოვაციური სწავლების მეთოდები, რაც სტუდენტებს საშუალებას აძლევს დასაქმდნენ როგორც ქვეყნის შიგნით, ასევე საერთაშორისო ბაზარზე.

მნიშვნელოვანია აღინიშნოს, რომ საქართველოს უნივერსიტეტის ჯანდაცვის სკოლა სტუდენტებსა და დაინტერესებულ პირებს აქტიურად სთავაზობს სხვადასხვა მოსამზადებელ კურსებს, ერთ-ერთი გამორჩეული კურსი იყო DRG ჯანდაცვის სისტემის დაფინანსების ახალი მოდელის შესწავლა, რომელიც მოიცავდა ყველა საჭირო იურიდიულ და ბიუროკრატიულ ინფორმაციას. ჯანდაცვის ადმინისტრირება ეხება როგორც კერძო, ასევე სახელმწიფო სამედიცინო დაწესებულებებს.

როდესაც ვსაუბრობთ თანამედროვე ინფრასტრუქტურაზე აუცილებელია აღინიშნოს სიმულაციური აფთიაქი, სიმულაციური ჰოსპიტალი, UG რეავიტა დენტი, ფიზიკური მედიცინის დ რეაბილიტაციის კლინიკა, - ეს იმ სივრცეების არასრული ჩამონათვალია, სადაც ქართველი და უცხოელი სტუდენტები შესაბამისი მიმართულებისა და საფეხურის მიხედვით პრაქტიკულ განათლებას იღებენ.

(R)