ლიბანის დატოვებისკენ თავის მოქალაქეებს საფრანგეთიც მოუწოდებს

საფრანგეთი, ახლო აღმოსავლეთში სამხედრო ესკალაციის რისკის ფონზე, ლიბანში მყოფ თავის მოქალაქეებს მოუწოდებს, ქვეყანა დატოვონ, - ინფორმაციას Reuters-ი ავრცელებს.

სააგენტოს ცნობით, საფრანგეთის საგარეო საქმეთა სამინისტრო საკუთარ მოქალაქეებს ურჩევს, ლიბანში არ გაემგზავრონ, მათ კი, ვინც უკვე იქ იმყოფება, აფრთხილებს, ქვეყანა დატოვონ.

შეგახსენებთ, ახლო აღმოსავლეთში არსებული მზარდი დაძაბულობის ფონზე, თავის მოქალაქეებს ლიბანის დატოვებისკენ აშშ-მა და გაერთიანებულმა სამეფომაც მოუწოდეს.

გოლანის მაღლობებზე განხორციელებულ თავდასხმაში, რომლის შედეგად 12 ბავშვი და მოზარდი დაიღუპა, ისრაელმა ირანის მიერ მხარდაჭერილი „ჰეზბოლა“ დაადანაშაულა და პირობა დადო, რომ შურს იძიებდა, თუმცა „ჰეზბოლამ“ თავდასხმასთან კავშირი უარყო. რამდენიმე დღის შემდეგ, ბეირუთში ისრაელის საჰაერო თავდასხმის შედეგად „ჰეზბოლას“ მეთაური ფუად შუკრი დაიღუპა. რამდენიმე საათის შემდეგ კი, ირანში „ჰამასის“ ლიდერი ისმაილ ჰანიე მოკლეს. ის ირანში პრეზიდენტ მასუდ ფეზეშქიანის ინაუგურაციაზე დასასწრებად იმყოფებოდა. ირანმა პირობა დადო, რომ ისრაელის წინააღმდეგ მკაცრ შურისძიებას განახორციელებს. შიშობენ, რომ ლიბანში მოქმედმა „ჰეზბოლამ“, ირანის მიერ მხარდაჭერილმა ჯგუფმა, შესაძლოა მძიმე როლი შეასრულოს ასეთ შურისძიებაში, რამაც, თავის მხრივ, შეიძლება ისრაელის მხრიდან სერიოზული პასუხი გამოიწვიოს.

ემილ ავდალიანი - რუსეთს საერთაშორისო ასპარეზზე აზერბაიჯანის დამოუკიდებელი პოლიტიკის წარმოება არ აწყობს
ქართული პრესის მიმოხილვა 04.07.2025
სტრატეგიული ბიზნეს რეთრითი შალვა ახრახაძესთან ერთად - იმისთვის, რომ შემდეგ მეტი შეძლო, ხანდახან საჭიროა გაჩერდე
ბიქეი ჰოლდინგმა გიორგი ნატროშვილი თეთრი კვადრატის გენერალურ დირექტორად დანიშნა, რომელიც ინოვაციური მიდგომების დანერგვასა და საერთაშორისო ბაზრების ათვისებაზე გააკეთებს აქცენტებს
„მხურვალე ზაფხული აპექსში“ - ბინა საბურთალოზე უპრეცედენტო ფასად
ლიდერი არომათერაპიის სფეროში, ფრანგული პრემიუმ ბრენდი - ფიურესენშელი Puressentiel უკვე PSP-შია