ოკუპირებული აფხაზეთის ე.წ. “საგარეო საქმეთა მინისტრად” სერგეი შამბა დაინიშნა.

ამის შესახებ ინფორმაციას ოკუპირებული რეგიონის ე.წ. “პრეზიდენტის” პრესსამსახური ავრცელებს.

ცნობისთვის, შამბას 2020 წლის 28 ივლისიდან ოკუპირებული აფხაზეთის ე.წ. “უშიშროების საბჭოს თავმჯდომარის” თანამდებობა ეკავა.

შამბა ოკუპირებული რეგიონის ე.წ. “საგარეო საქმეთა მინისტრის” თანამდებობას 1997-დან 2010 წლამდეც იკავებდა.