სუმის ოლქის ოცკილომეტრიან სასაზღვრო ზონაში ყველა კატეგორიის მოქალაქეების გადაადგილებაბზე შეზღუდვა დაწესდა, - ინფორმაციას უკრაინული მედია ქვეყნის შეიარაღებული ძალების გენერალურ შტაბზე დაყრდნობით ავრცელებს.

„საომარი მოქმედებების ინტენსივობის გაზრდის, დივერსიული და სადაზვერვო ჯგუფების, მტრის სპეციალური ოპერაციების ძალების საქმიანობის გააქტიურების გამო და მშვიდობიანი მოსახლეობის და სამხედრო პერსონალის სიცოცხლის შენარჩუნების მიზნით, სამხედრო სარდლობამ სუმის ოლქის ოცკილომეტრიან სასაზღვრო ზონაში ყველა კატეგორიის მოქალაქეების გადაადგილებაზე შეზღუდვები შემოიღო“, - აღნიშნულია გენშტაბის ინფორმაციაში.

გენშტაბში განმარტავენ, რომ ამ ტერიტორიაზე შესვლა განხორციელდება უკრაინის მოქალაქეების პასპორტებით „ამ ზონაში საცხოვრებელი ადგილის რეგისტრაციის შესახებ შესაბამისი ნიშნით“.