აშშ-ის სახელმწიფო მდივანმა, ენტონი ბლინკენმა თურქეთის საგარეო საქმეთა მინისტრთან სატელეფონო საუბრისას ღაზაში არსებული ვითარება განიხილა, - ამის შესახებ ინფორმაციას თურქეთის საგარეო საქმეთა სამინისტრო ავრცელებს.

თურქეთის საგარეო საქმეთა სამინისტროს წარმომადგენლის ცნობით, სატელეფონო საუბარი ამერიკული მხარის თხოვნით შედგა.

ენტონი ბლინკენმა და ჰაკან ფიდანმა ისრაელსა და „ჰამასს“ შორის ცეცხლის შეწყვეტის მოლაპარაკებების ირგვლივ განვითარებული ბოლოდროინდელი მოვლენები და ზოგადი რეგიონული ვითარება განიხილეს.