ამერიკის შეერთებული შტატები უკრაინისთვის 125 მილიონი აშშ დოლარის ღირებულების სამხედრო დახმარების ახალ პაკეტს ამზადებს, - ინფორმაციას Associated Press-ი ოფიციალურ პირებზე დაყრდნობით ავრცელებს.

გამოცემის ცნობით, დახმარების ეს პაკეტი მოიცავს საჰაერო თავდაცვის რაკეტებს, მაღალი მობილობის საარტილერიო სარაკეტო სისტემების (HIMARS) საბრძოლო მასალებს, Javelin-ს და უამრავ სხვა ტანკსაწინააღმდეგო რაკეტებს. იგი ასევე მოიცავს 155 მმ-იან და 105 მმ-იან საარტილერიო საბრძოლო მასალის, სატრანსპორტო საშუალებებს და სხვა აღჭურვილობას.

Associated Press-ი წერს, რომ ოფიციალურმა პირებმა ისაუბრეს ანონიმურობის პირობით, რადგან დახმარება საჯაროდ არ არის გამოცხადებული და ოფიციალური განცხადება შეიძლება გაკეთდეს პარასკევს, უკრაინის დამოუკიდებლობის დღის წინა დღეს.

Associated Press-ის ცნობით, იარაღის მიწოდება ხდება პრეზიდენტის სპეციალური უფლებამოსილების ფარგლებში, რაც იმას ნიშნავს, რომ ის მოდის პენტაგონის მარაგებიდან და უფრო სწრაფად მიწოდებაა შესაძლებელი.