უკრაინის პრეზიდენტმა ვოლოდიმირ ზელენსკიმ უმაღლესი მთავარსარდლის შტაბის სხდომა გამართა, რომელზაც რუსეთის დღევანდელი თავდასხმა განიხილეს.

ვოლოდიმირ ზელენსკის ცნობით, სხდომაზე რუსეთის დღევანდელი თავდასხმის შემდეგ ენერგიის აღდგენის, საჰაერო თავდაცვის სისტემების ეფექტურობის საკითხები და ფრონტის ხაზზე არსებული ვითარება განიხილეს.

„დეტალურად, თითოეული რეგიონისთვის საჰაერო თავდაცვის სისტემების ეფექტურობა, მობილური სახანძრო ჯგუფები, ასევე საინჟინრო დაცვა გავაანალიზეთ. ჩვენ შესაბამისი გადაწყვეტილებები მივიღეთ“, - წერს ვოლოდიმირ ზელენსკი „ტელეგრამის“ არხზე.

უკრაინის პრეზიდენტმა აღნიშნა, რომ რუსეთმა უკრაინის მიმართულებით, სულ მცირე, 127 რაკეტა და 109 დრონი გაუშვა.