რუსული ძალები უკრაინის ტერიტორიას დრონებით და რაკეტებით დაესხნენ თავს, კიევში აფეთქებების ხმები ისმოდა, საჰაერო განგაში ქვეყნის 15 ოლქში გამოცხადდა, - ინფორმაციას უკრაინული მედია ავრცელებს.

მათივე ინფორმაციით, ნამსხვრევების ჩამოვარდნა დაფიქსირდა კიევის დნეპროვსკის, გოლოსევსკისა და დესნიანსკის რაიონების საცხოვრებელ ზონებში. გოლოსევსკის რაიონში საცხოვრებელი კორპუსი დაზიანდა, თუმცა, ამ დროისთვის არსებული ინფორმაციით, არავინ დაშავებულა.

ამასთან, დესნიანსკის რაიონში, სადაც დრონის ნამსხვრევები ჩამოვარდა, კოტეჯების ტერიტორიაზე ხანძარი გაჩნდა. არსებული ინფორმაციით, არავინ დაშავებულა.