აზერბაიჯანში მილი მეჯლისის (პარლამენტის) ვადამდელი საპარლამენტო არჩევნები მიმდინარეობს. ქვეყნის ცენტრალური საარჩევნო კომისიის ინფორმაციით, ადგილობრივი დროით 15:00 საათისთვის, ამომრჩეველთა აქტივობამ 29.49 პროცენტი შეადგინა.

კენჭისყრა დილის 08:00 საათზე დაიწყო, ხმის მიცემის პროცესი 19:00 საათზე დასრულდება. პოტენციური ამომრჩევლების საერთო რაოდენობა 6 421 960-ს შეადგენს.

ვადამდელი საპარლამენტო არჩევნების დასაკვირვებლად 112 749 ადგილობრივი დამკვირვებელი დარეგისტრირდა. მათგან 65 000-ზე მეტი პოლიტიკური პარტიების წარმომადგენელია. ამასთან, რეგისტრირებულია 598 საერთაშორისო დამკვირვებელი.

შეგახსენებთ, 28 ივნისს პრეზიდენტმა ილჰამ ალიევმა ხელი მოაწერა განკარგულებას VI მოწვევის მილი მეჯლისის (პარლამენტის) დაშლისა და ვადამდელი არჩევნების დანიშვნის შესახებ.