უკრაინის საჰაერო თავდაცვის ძალებმა 16 სექტემბრის ღამეს კიევის ირგვლივ საჰაერო სივრცეში მტრის 20-მდე უპილოტო საფრენი აპარატი ჩამოაგდეს, - ინფორმაციას უკრაინული მედია კიევის საქალაქო-სამხედრო ადმინისტრაციის ხელმძღვანელზე, სერგეი პოპკოზე დაყრდნობით ავრცელებს.

„რუსი ოკუპანტების მერვე საჰაერო შეტევა კიევზე და ეს მხოლოდ სექტემბრის პირველ ნახევარში! წინა შეტევების მსგავსად, მტერმა კიდევ ერთხელ გამოიყენა უპილოტო საფრენი აპარატები, სავარაუდოდ, Shahed-ები. მაგრამ ბოლო შეტევებისგან განსხვავებით, ეს იყო მასიური შეტევა. დედაქალაქში საჰაერო თავდასხმის განგაში დაახლოებით სამსაათნახევრის განმავლობაში გაგრძელდა. საჰაერო თავდაცვის ძალებმა და საშუალებებმა დედაქალაქის გარშემო საჰაერო სივრცეში მტრის თითქმის ორი ათეული უპილოტო საფრენი აპარატი გაადგურეს“, - აღნიშნა პოპკომ.

მისი თქმით, ამ დროისთვის არსებული ინფორმაციით, არავინ დაღუპულა ან დაშავებულა.