უკრაინის პრეზიდენტმა, ვოლოდიმირ ზელენსკიმ ეროვნული უშიშროების და თავდაცვის საბჭოს გადაწყვეტილება აამოქმედა, რომელიც ექვს ფიზიკურ და 40-ზე მეტ იურიდიულ პირს ირანიდან, ჩინეთიდან და რუსეთიდან სანქციებს უწესებს.

პრეზიდენტის განკარგულებით, ექვს მოქალაქეს, ასევე რუსეთის ფედერაციის, ირანის და ჩინეთის 40 იურიდიულ პირს სანქციები 10 წლის ვადით დაუწესდათ.

პრეზიდენტის მეორე განკარგულებაში კი აღნიშნულია, რომ სანქციები დაუწესდა ორ საწარმოს : რუსული გემების განათების ტექნიკის ქარხანას შპს “მაიაკს“ და ყაზანის სახელმწიფო დენთის ქარხანას.

ორივე დადგენილებაში აღნიშნულია, რომ უკრაინის საგარეო საქმეთა სამინისტრომ უნდა აცნობოს ევროკავშირის, ამერიკის შეერთებული შტატების და სხვა სახელმწიფოების კომპეტენტურ ორგანოებს სანქციების გამოყენების შესახებ და მათ წინაშე დააყენოს მსგავსი შემზღუდველი ზომების შემოღების საკითხი.