კრასნოდარის მხარის ტიხორეცკის რაიონიდან 1200 ადამიანის ევაკუაცია განხორციელდა, - ამის შესახებ კრასნოდარის მხარის გუბერნატორმა, ვენიამინ კონდრატიევმა განაცხადა.

„დასახლებიდან 1200 ადამიანის ევაკუაცია განხორციელდა. მათი უმეტესობა მეგობრებთან და ნათესავებთან განთავსდა. ევაკუაციისთვის 17 ავტობუსი გამოიყო“, - განაცხადა გუბერნატორმა.

მანამდე, კონდრატიევმა ინფორმაცია გაავრცელა, რომ საჰაერო თავდაცვამ ორი უპილოტო საფრენი აპარატი ჩამოაგდო. დრონების ფრაგმენტების ჩამოვარდნას აფეთქებები და ხანძარი მოჰყვა.

კრასნოდარის მხარის გუბერნატორმა აღნიშნა, რომ ტიხორეცკის რაიონის მოსახლეობა არ დაშავებულა.