„ქართული ოცნება- დემოკრატიული საქართველოს“ საბურთალოს რაიონის დელეგატი აკაკი ალადაშვილი საბურთალოზე, ფანჯიკიძის ქუჩა N6-8-ში და მიცკევიჩის ქუჩა N23-25-ში მცხოვრებლებს შეხვდა.

პარტიის ინფორმაციით, შეხვედრაზე მოქალაქეები გაეცნენ „ქართული ოცნების“ ძირითად ღირებულებებს და სამომავლო გეგმებს. ასევე, ისაუბრეს ქვეყანაში მიმდინარე პოლიტიკურ და პროცესებსა და მნიშვნელოვან საკითხებზე.

დელეგატის თქმით, მიცკევიჩის N23-25-ში 20 ავტოფარეხის დემონტაჟი განხორციელდა და დასასვენებელი სივრცე მოეწყო.

„განვიხილეთ ჩვენი გუნდის მიერ განხორციელებული პროექტები. „ქართული ოცნების" ხელისუფლებაში მოსვლის შემდეგ, ქვეყანაში საფუძველი ჩაეყარა დემოკრატიას, ადამიანთა უფლებების დაცვას და სამართლის უზენაესობას.

26 ოქტომბრის საპარლამენტო არჩევნებში გამარჯვების შემდეგ, კვლავ იგივე ღირებულებებით გავაგრძელებთ ქვეყნის აღმშენებლობას და განვითარებას,“ - განაცხადა აკაკი ალადაშვილმა.