მმართველი პარტიის პლატფორმა „სინამდვილეში“ აშშ-ს საელჩოს მიერ სოციალურ ქსელში დღეს გამოქვეყნებულ „ქარდს“ ეხმაურება და ტყუილს უწოდებს ამერიკის დიპლომატიური წარმომადგენლობის განცხადებას, რომ „დემოკრატიები ოპოზიციას არ კრძალავენ“.

როგორც აღნიშნული პლატფორმა წერს, 1945-2015 წლებში ევროპის 20-მა დემოკრატიამ 50 ოპოზიციური პარტია აკრძალა.

„აშშ-ის საელჩოს განცხადებით, დემოკრატიები ოპოზიციას არ კრძალავენ.

სინამდვილეში, ეს ტყუილია.

1945-2015 წლებში ევროპის 20-მა დემოკრატიამ 50 ოპოზიციური პარტია აკრძალა.

ამჟამად, გერმანიის სახელისუფლებო პარტიები ამზადებენ საკონსტიტუციო სარჩელს ოპოზიციური პარტიის „ალტერნატივა გერმანიისთვის“ ასაკრძალად, რომელიც გერმანიაში რეიტინგით მეორე პარტიაა.

ასევე, საგულისხმოა, რომ ბოლო ორი წლის განმავლობაში, უკრაინამ 19, ხოლო მოლდოვამ - 1 ოპოზიციური პარტია აკრძალა“, - წერს სოციალურ ქსელში მმართველი პარტიის პლატფორმა „სინამდვილეში“.