თბილისში, მარშისთვის - „საქართველო ირჩევს ევროკავშირს“ ემზადებიან.

მსვლელობის მონაწილეთა ნაწილი ამ წუთებში რესპუბლიკის მოედანზე იკრიბება. მათ ევროკავშირის მხარდამჭერი ბანერები და დროშები აქვთ მოტანილი. აქციის ორგანიზატორია „ჩემი ხმა ევროკავშირს“, რომელიც 30-ამდე არასამთავრობო ორგანიზაციას აერთიანებს.

რესპუბლიკის მოედნის გარდა, 17:00 საათიდან მარშის მონაწილეები შეიკრიბებიან გმირთა მოედანზე, 300 არაგველის ობელისკის (ორთაჭალა) ტერიტორიაზე, მარჯანიშვილის მოედანზე, ამაღლებისა და ასათიანის ქუჩების კვეთაზე (მთაწმინდა) შეიკრიბებიან და მსვლელობით თავისუფლების მოედანზე მივლენ, სადაც შემაჯამებელი ღონისძიება გაიმართება. როგორც ცნობილია, საქართველოს პრეზიდენტმა, სალომე ზურაბიშვილმა განაცხადა, რომ მარშს „საქართველო ირჩევს ევროპას“ შეუერთდება.