უკრაინულმა ძალებმა რუსების მიერ გაშვებული 40 დრონი ჩამოაგდეს, - ამის შესახებ ინფორმაციას უკრაინის საჰაერო ძალები ავრცელებს.

უკრაინის საჰაერო ძალების ცნობით, რუსულმა ძალებმა უკრაინის მიმართულებით 50 დრონი გაუშვეს, რომელთაგან 40 უკრაინის საჰაერო თავდაცვის ძალებმა ოდესის, ნიკოლაევის, დნეპროპეტროვსკის, ვინიცის, ჟიტომირის, ხმელნიცკის, ჩერკასის, კიროვოგრადის, კიევის, პოლტავისა და ჩერნიგოვის ოლქებში ჩამოაგდეს.

„7 რუსული დრონი გაუჩინარდა, 1 უკრაინის საჰაერო სივრცეშია, 2 კი რუსეთისა და ბელარუსისკენ გაფრინდა“, - აცხადებენ უკრაინის საჰაერო ძალებში.

ასევე, რუსულმა ძალებმა უკრაინის მიმართულებით Х-22-ის ტიპის 2 ფრთოსანი რაკეტა და Х-59-ის ტიპის 2 მართვადი რაკეტა გაუშვეს. უკრაინის საჰაერო ძალების ინფორმაციით, რაკეტებმა სამიზნე ობიექტებამდე ვერ მიაღწიეს.