პერსონალურ მონაცემთა დაცვის სამსახურის განცხადებით, აკვირდებიან საარჩევნო პროცესს და თავისი საზედამხედველო ფუნქციის ფარგლებში, სათანადო რეაგირებას მოახდენენ ნებისმიერ დარღვევაზე
პერსონალურ მონაცემთა დაცვის სამსახური აკვირდება საარჩევნო პროცესს და თავისი საზედამხედველო ფუნქციის ფარგლებში, სათანადო რეაგირებას მოახდენს საარჩევნო პროცესების დროს პერსონალურ მონაცემთა კანონმდებლობის ნებისმიერ დარღვევაზე, - ამის შესახებ პერსონალურ მონაცემთა დაცვის სამსახურის მიერ გავრცელებულ განცხადებაშია ნათქვამი.
პერსონალურ მონაცემთა დაცვის სამსახური მოუწოდებს საარჩევნო პროცესში ჩართულ სუბიექტებს, რომ პერსონალური მონაცემები სამართლიანად და კანონის შესაბამისად დაამუშაონ.
„დღეს, საქართველოს ისტორიაში პირველად, საპარლამენტო არჩევნები ელექტრონული საშუალებებით ტარდება.
„პერსონალურ მონაცემთა დაცვის შესახებ” საქართველოს კანონის მოქმედება სრულად ვრცელდება საარჩევნო პროცესში პერსონალური მონაცემების დამუშავებაზე.
პერსონალურ მონაცემთა დაცვის სამსახური მოუწოდებს საარჩევნო პროცესში ჩართულ სუბიექტებს, რომ პერსონალური მონაცემები დაამუშაონ სამართლიანად და კანონის შესაბამისად.
მნიშვნელოვანია, ამომრჩევლის მიერ სიფრთხილის გამოჩენა საკუთარი პერსონალური მონაცემების გაცემისას, განსაკუთრებით მაშინ, როდესაც საქმე განსაკუთრებული კატეგორიის პერსონალურ მონაცემს, მათ შორის, პოლიტიკურ შეხედულებებს ეხება.
პერსონალურ მონაცემთა დაცვის სამსახური აკვირდება საარჩევნო პროცესს და თავისი საზედამხედველო ფუნქციის ფარგლებში, სათანადო რეაგირებას მოახდენს საარჩევნო პროცესების დროს პერსონალურ მონაცემთა კანონმდებლობის ნებისმიერ დარღვევაზე.
საარჩევნო პროცესში პერსონალური მონაცემების დამუშავების საკითხებზე კონსულტაციის მისაღებად ან პერსონალური მონაცემების კანონის შესაძლო დარღვევით დამუშავების ფაქტთან დაკავშირებით, ამომრჩევლებს, დამკვირვებელ ორგანიზაციებს, საარჩევნო სუბიექტებს და სხვა დაინტერესებულ პირებს შეუძლიათ მომართონ პერსონალურ მონაცემთა დაცვის სამსახურს (+995322421000, office@pdps.ge, საქართველო, თბილისი, ნ. ვაჩნაძის N°7, 0105, ქ. ბათუმი, ბაქოს ქ. N°48, 6010),“ - აღნიშნულია განცხადებაში.
