ვიქტორ ორბანის ვიზიტი ხორციელდება საქართველოსა და უნგრეთს შორის ორმხრივი უეთიერთობების ფარგლებში. პრემიერ-მინისტრ ორბანს ევროკავშირის საბჭოსგან თბილისში ვიზიტთან დაკავშირებით არანაირი მანდატი არ მიუღია , - ამის შესახებ საგარეო საქმეთა და უსაფრთხოების საკითხებში ევროკავშირის პრესსპიკერმა, ნაბილა მასრალიმ განაცხადა.

ამასთან, მისი თქმით, საქართველოში ჩატარებულ საპარლამენტო არჩევნებთან დაკავშირებით ევროკავშირის პოზიცია მკაფიოდ გამოიხატა უმაღლესი წარმომადგენლისა და ევროკომისიის გუშინდელ განცხადებაში, ისევე როგორც ევროკავშირის ოქტომრბის დასკვნებში.

„ჩვენი განცხადება მკაფიოა: დარღვევები უნდა დაზუსტდეს და აღმოიფხვრას, ჩვენ წინასწარ ვერ შევაფასებთ გამოძიების საბოლოო შედეგებს, მაგრამ მჭიდრო მონიტორიგს გავუწევთ პროცესს და ჩვენი საბოლოო შეფასებისთვის ეუთო/ოდირის საბოლოო დასკვნა და რეკომენდაციები საკვანძო იქნება“, - აღნიშნა ნაბილა მასრალიმ.