„ძლიერი საქართველოს“ ცენტრალურ ოფისში ოპოზიციური პარტიების ლიდერები დიპლომატიური კორპუსის წარმომადგენლებთან შეხვედრას მართავენ.

არსებული ინფორმაციით, შეხვედრაზე მივიდნენ: ჩეხეთის, ლიეტუვის, შვედეთის, ნორვეგიის, შვეიცარიის, ისრაელის ელჩები და ასევე სხვადასხვა ქვეყნის დიპლომატიური კორპუსის წარმომადგენლები.

"ძლიერი საქართველოს" ინფორმაციით, ევროკავშირის წევრი ქვეყნების და აშშ-ს დიპლომატიური კორპუსის წარმომადგენლებს ოპოზიციის ლიდერებმა, 26 ოქტომბრის გაყალბებული არჩევნების მტკიცებულებები წარუდგინეს.

"არჩევნების ფარულობის დარღვევა - მოსყიდვა და დაშინება. ID ბარათების ჩამორთმევა. საზღვარგარეთ მყოფი პირების ნაცვლად ხმის მიცემა - ეს არის ოპოზიციის მიერ გამოძიებული ის მთავარი მტკიცებულებები, რომელიც ხელისუფლებამ ტოტალური გაყალბებისთვის გამოიყენა. ფაქტები, რომელიც ოპოზიციური კოალიციების ერთობამ წარადგინა შესწავლილია სპეციალური ჯგუფების მიერ", - ნათქვამია ინფორმაციაში.

ამასთან, არსებული ინფორმაციით, ამ შეხვედრამდე კოალიცია "ძლიერი საქართველოს" ერთ - ერთი ლიდერი ბადრი ჯაფარიძე ამერიკის ელჩს საქართველოში, რობინ დანიგანს შეხვდა.