კიევში საჰაერო განგაში გამოცხადდა, უკრაინის დედაქალაქში აფეთქებების ხმა ისმოდა, - ამის შესახებ ინფორმაციას უკრაინული მედია კიევის მერზე, ვიტალი კლიჩკოზე დაყრდნობით ავრცელებს.

„ქალაქში აფეთქებებია. საჰაერო თავდაცვის ძალები მუშაობენ. თავშესაფრებში დარჩით“, - დაწერა ვიტალი კლიჩკომ „ტელეგრამის“ პირად არხზე.

უკრაინის საჰაერო ძალების ცნობით, დღეს ღამით რუსეთში, ოლენეგორსკიდან „ტუ-95“-ის ტიპის ექვსი თვითმფრინავი აფრინდა. დაახლოებით 7:00 საათზე რუსული ფრთოსანი რაკეტების უკრაინის საჰაერო სივრცეში შესვლა დაფიქსირდა.