თუ კიევის რეჟიმი რუსეთის სიღრმეში დარტყმების ნებართვას მიიღებს, მაშინ ჩვენ ამას ნატო-ს ქვეყნების რუსეთთან პირდაპირ შეიარაღებულ კონფლიქტში ჩართვად მივიჩნევთ, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ მოსკოვში გამართულ ბრიფინგზე განაცხადა.

მისივე თქმით, აღნიშნული ნაბიჯი კონფლიქტის ბუნებას შეცვლის.

„ჩვენი ქვეყნის ტერიტორიაზე დასავლური შორ მანძილზე მოქმედი სისტემების გამოყენებაზე პასუხი მათთვის გარდაუვალი და დამღუპველი იქნება“, - აღნიშნა რუსეთის საგარეო საქმეთა სამინისტროს პრესსპიკერმა.