კრემლის პრესსპიკერის დიმიტრი პესკოვის განცხადებით, აშშ-ის ახალი ადმინისტრაციის წარმომადგენლებთან კონტაქტი არ ყოფილა.

„ჯერჯერობით კონტაქტი არ ყოფილა“, - განაცხადა კრემლის პრესსპიკერმა.

კითხვაზე, შედგება თუ არა საუბარი დონალდ ტრამპის გუნდთან „სავიზო შეზღუდვების მოხსნის შესახებ, რომელიც გაერო-ს ნორმალურ ფუნქციონირებას ხელს უშლის“, პესკოვმა უპასუხა, რომ „მოლოდინებზე საუბარი ჯერ ადრეა“.

„ეს ერთადერთი საკითხი არ არის, რომელიც ამერიკელების წინაშე შეიძლება დაისვას. ერთი კონკრეტული საკითხის გამოყოფა არასწორი იქნება“, - აღნიშნა დიმიტრი პესკოვმა.