უკრაინელებმა რუსების მიერ გაშვებული 53 დრონი ჩამოაგდეს, - ამის შესახებ ინფორმაციას უკრაინული მედია ქვეყნის საჰაერო ძალებზე დაყრდნობით ავრცელებს.

უკრაინის საჰაერო ძალების ცნობით, სულ, რუსულმა ძალებმა უკრაინის მიმართულებით 83 დრონი გაუშვეს, რომელთაგან უკრაინის თავდაცვის ძალებმა 53 ჩამოაგდეს, ხოლო 30 ქვეყნის ტერიტორიაზე გაუჩინარდა.

უკრაინის თავდაცვის ძალებმა რუსული დრონები ჩერკასის, ოდესის, კიევის, ჟიტომირის, სუმის, ნიკოლაევის, კიროვოგრადის, პოლტავის, ზაპოროჟიეს, ხარკოვისა და ხმელნიცკის ოლქებში ჩამოაგდეს.